Koakon En Peidek

◼ Sounkalohk lih emen anahne koaduhpwel ma sounkalohk ohl men iang ih ni eh kesihnen ni wenihmw wia onop en Paipel rehn emen?

Ni sounkalohk lih emen wia onop en Paipel me koasoandier oh sounkalohk ohl men iang ih, e anahne koaduhpwel. (1 Kor. 11:3-10) Pwuhken “Limpoak en Koht,” pali 241 kawehwehda: “Pwehki wiewia pwukat kin wia kisehn doadoahk en mwomwohdiso en Kristian, e pahn koaduhpwel pwehn kasalehda me e kin wia pwukoa ehu me kin kohwong ohl men.” Met pahn wiawi sohte lipilipil ma onopo pahn wiawi nan ihmw, ni wenihmw de wasa teikan.

Ahpw, ma onopo saikinte uhdahn koasoandier, sistero sohte anahne koaduhpwel ma sounkalohk ohl men pahn iang, mehnda ma kahrepen eh pwurala rehn tohnihmw iei pwehn kamwomwada ia duwen onop en Paipel eh kak wiawi de wia onop ni eh doadoahngki sawaspen Paipel kan. Pwehki onop en Paipel ni wenihmw kin kalapw ekisekis koasoandi ni eh pwurepwurehng pwurala reh, sounkalohko pahn anahne medemedewe irair kan oh anahne toupahrek pwehn koasoanehdi iahd e pahn anahne koaduhpwel.