“I Sohte kak Pwurehng Diar Ih ni Imweo!”

Mie pak me ke nda duwen emen me kasalehda me e perenki rong? Mendahki omw kin pwurepwurehng song en pwurala rehn aramaso, ke sohte kak kalamwuri weren padahk mehlel me ke padokedi. (1 Kor. 3:6) Ekei pak sounkalohk koahiek kan kin ntingihada kisinlikou ehu ong emen me re sohte kak pwurehng tuhwong irail ni imwarail, de re kin ntingihada kisinlikou ehu oh kihdi ni wenihmwo. Ekei sounkalohk kan kin kaunopada pwe re ese me e kin apwal en pwurehng tuhwong aramaso ni imwarail. Eri re kin peki nempehn nah delepwohn, de mwein e pahn idek, “Ke kin text?” Kitail kak kilelehdi pwurehng pwurala ni atail pwurala rehn aramaso de kalohk ong ih ni atail kin ntingihada kisinlikou ehu, e-mail, text, kihdi kisinlikou ni eh wenihmwo, de delepwohnla reh. Mendahki ma e sohte kalapw mi ni imweo, kitail kak kalaudehla eh men rong.