Kalaudehla Atail Koahiek Nan Doadoahk En Kalohk​—Kalohk Doadoahngki Delepwohn

DAHME KAHREHDA E KESEMPWAL: Kalohk doadoahngki delepwohn iei ahl kesempwal ehu en “kadehdehda ni unsek rongamwahu.” (Wi 20:24)a Wiepe wet kahrehda atail kak kalohk ong aramas me eh irair sohte mweidohng kitail en kak tuhwong ih.

IA DUWEN OMW PAHN WIA MET:

• 

  Kaunopada. Pilada oaralap ehu me konehng. Mwuri kairekehdi dahme ke men nda. Ke pil kak kaunopada koasoi mwotomwot me pahn kawehwehda kahrepen omw call pwehki ma delepwohn (answering machine) pahn sapeng. E pahn sawas ma ke mwohd ni tehpel ehu iangahki noumw doaropwe me ke pahn koasoia oh soahng teikan me ke pahn anahne, duwehte tablet pwehn doadoahngki JW Library^® de jw.org^®

• 

  Dehr saloh. Koasoi ni maledek. Pohkomwokomw oh kamwakid pehmw kan de paliweromw duwehte ma tohnihmwo kak kilang uhk. Dehr kalapw uhdi ma sohte anahnepe. E pahn mwahu en iang meteikan kalohk nan delepwohn. Ma tohnihmwo idek peidek ehu, pwurehng nda peideko ni ngihl laud pwe iengomw sounkalohko en kak seweseiuk rapahki pasapengo

• 

  Kaunopada tohnihmwo en kasik omw pahn pwurehng pwurala. Ma tohnihmwo kasalehda me e perenki rong, ke kak kihdi ehu peidek pwe ken sapengala ni omw pwurehng call. Ke pil kak peki me ke pahn e-mail, de pein wahla de kadarala pwuhk ehu reh. Ni ahnsou me konehng, padahkihong aramaso duwen neitail Online Bible Study Lessons de pil ehu mehkot nan neitail website