Kalaudehla Atail Koahiek Nan Doadoahk En Kalohk​—Kaunop Tohnihmwo en Kasik Atail Pahn Pwurehng Pwurala

DAHME KAHREHDA E KESEMPWAL:

Kitail men kalamwurehki pihl kisin werentuhke kan en padahk mehlel me kitail kin padokedi. (1Kor 3:6) Ni ahnsou me kitail kin diarada aramas emen me kin kasalehda eh perenki rong, e pahn mwahu en kin kihdi ehu peidek me kitail pahn kak koasoiapene ni ahnsou me kitail pahn pwurala. Met pahn kakairada eh pahn kasikasik atail pahn pwurala oh kamengeila atail pahn kaunopada ong pwurehng pwurala reh. Ni atail pwurala, kitail kak padahkihong me kitail pwarala en sapengala peidek me kitail kihdi reh rahn teio.

IA DUWEN OMW PAHN WIA MET:

• Ni omw pahn kaunopada omw padahk kan me ke pahn doadoahngki nan kalohk en ihmw lel ihmw, ke pil anahne kaunopada ehu peidek me ke pahn sapengala ni omw pahn pwurehng pwurala. E kak poahsoankihda oaralap ehu me mi nan pwuhk me ke pahn kihla. De e kak peidek ehu me pasapengla nan ehu neitail pwuhk en onop kan me ke kaunopadahng en kasalehiong ih ni omw pahn pwurala reh.

• Ni omw pahn kaimwisekala omw koasoakoasoiong emen me men rong, kasalehiong ih me ke men pwurehng koasoiong ih oh kowe eri ehukihong ih peidek me ke kaunopadahro. Ma kak, alehdi ire kan me pid duwen ih.

• Ma ke koasoanehdi kuloak me ke pahn pwurala reh, kolokolte omw inowo.​—Mad 5:37.