Ire Tohrohr Kapw ong Tapiada Koasoakoasoipene

Sangete January 2016, ni mwurin Kahn Iroir ong wehipokon kin kasalehda “Dahme Paipel Mahsanih?” Ire tohrohr kapw wet wiawihda pwehn sewese kitail en tapiada koasoia oaralap kan nan Paipel. E wiawihda duwehte neitail kisin doaropwe kan. Mie peidek ehu en medemedewe me mie iren Paipel ehu me sapengala peideko, iangahki ire teikan ong koasoakoasoipene.

Koasoakoasoipene me pid oaralap en Paipel kan kin kalapw imwikihla onop en Paipel kan. Doadoahngki ire kapw wet pwehn sewese me tohto en kaitarala arail anahn en esehla Koht.—Mad 5:6.

IA DUWEN OMW PAHN DOADOAHNGKI IRE KAPW WET:

1. Idek rehn tohnihmwo ia eh madamadau ong ehu peidek pwuko

2. Rong oh pohnese eh pasapengo

3. Wadek iren Paipel me mi pahnangin oaralap “Dahme Paipel Mahsanih,” oh idek ia eh madamadau ong iretikitiko. Ma mie eh ahnsou, pousehla amwa koasoakoasoi, doadoahngki ire me mi pahnangin oaralap “Dahme Kitail Pil kak Sukuhlkihsang Paipel?”

4. Kihla Kahn Iroiro

5. Koasoanehdi en pwurala oh koasoiapene keriaun peidek