Doadoahk en Luhk ong Mihting Tohrohr

Ehuehu sounpar, atail peren kin laudla ong ketihnain sang rehn Siohwa me duwehte kamadipw me kin wiawi nan atail mihting tohrohr kan. Pwe meteikan en pil kak iang song sapwellimen Siohwa kalahngan, kitail pahn luke uwen tohtohn aramas me kitail kak en iang kitail towehda. (Mel 34:8) Ehuehu pwihn en elder kan pahn nantihong koasoanehdi dahme keieu mwahu ong doadoahngki doaropwehn luhk kan.

MEDEMEDEWE OARITIK KAN

• Iahd ei mihting tohrohr pahn wiawi?

• Iahd me kihseli doaropwehn luhk pahn tepida sahpwet?

• Iahd de ahnsou dah mihting en tuhpenehn kalohk?

• Ia ei mehn akadei kan ong doadoahk en kihseli doaropwehn luhk wet?

• Ihs me I koasoanehdi en luke?

DAHME KE PAHN NDA?

Mwurin rahnmwahu, ke kak nda:

“Se kin iang doadoahk tohrohr ehu me kin wiawi nin sampah pwon en luke aramas akan ong wiewia kesempwal ehu. Rahn, kuloak, oh wasa ntingdi nan doaropwe wet. Se pahn perenki omw pahn iang kiht towehda.”

IA DUWEN OMW KAK SEWESE EMEN ME KASALEHDA EH PERENKI RONG?

Mendahki atail men luke uwen aramas tohto me kitail kak ong ni mihting tohrohr, kitail anahne tetehk pwehn sewese emen me kasalehda eh perenki rong.

Ele ke kak kihla makasihn iangahki doaropwehn luhk kan ni imwin wihk kan.