Kasamwo Irail ni Kadek

Ihs me kitail en kasamwo ni kadek? Aramas sohte lipilipil me iang towehda atail mihting en Kristian kan, irail me kapw kan oh riatail kan me wereilahr nan padahk mehlel. (Rom 15:7; Ipru 13:2) De pil emen riatail me mwemweitdo sang ehu sahpw tohrohr de Kristian men me wereilahr sohla patehng mwomwohdiso me ahpwtehn pwurehng iang towehda mihting. Medewehla ia pahn omw pepehm ma kowe me mi nan soangen irairo. Ke sou pahn perenki tohnmwomwohdiso arail pahn rahnmwahwih iuk ni kadek? (Mad. 7:12) Eri dahme ke sou nantihong en kohkohseli nan Wasahn Kaudok oh rahnmwahwih meteikan mwohn oh mwurin mihting? Met kin sewese kadek oh limpoak en wiawi nanpwungatail oh kin wahdo kaping ong Siohwa. (Mad. 5:16) Kitail sohte pahn kak koasoiong koaros me iang towehda mihting kan. Ahpw, koaros pahn pehm nsenamwahu ma kitail koaros wia atail pwukoa.a

Kasamwo ni kadek sohte kin sansaldahte ni ahnsou tohrohr kan me duwehte Kataman ahpw e kin sansalda ahnsou koaros. Ni ahnsou me irail me kapw kan kin kilang oh pehm limpoak en Kristian, ele re pahn mwekidki en iang kapinga Koht oh iang kitail kaudok min.​—Sohn 13:35.