MOMOUR NIN DUWEN KRISTIAN KEI
Tiahk Mwahu ni Wenihmw kan
Kristian kan kin sansal ong aramas koaros nan sampah. (1Ko 4:9) Ihme kahrehda, e sohte pahn kapwuriamwei ma ekei tohnihmw kan kin kilang kitail sang ni wenihmwtok de rong kitail sang mwurin wenihmw. Ele e pahn mie camera me kin tetehk dahme wiawi (security camera) oh microphone me kak kahrehiong tohnihmwo en tehk, rong oh deipihdi dahme kitail nda oh wia. Iet ekei iren sawas kan en kasalehda tiahk mwahu ni wenihmw kan.—2Ko 6:3.
• SANG OMW WIEWIA KAN (Pil 1:27):
Wauneki en tohnihmw kan arail wasa sang ni omw sohte pahn usuwerlong nan imwarail kan. Ni omw kesikesihnen ni wenihmwo ke dehr kang mehkot, nimpil, delepwohn de textih meteikan
• SANG NI OMW KOASOI KAN (Ep 4:29):
Erein omw mihmi ni wenihmwo, ke dehr koasoia mehkot me ke sohte men tohnihmwo en rong. Ekei sounkalohk kan ele pahn pilada en dehr koasoi douluhl pwe ren kak medewehda dahme irail pahn koasoia