Iahd me I Pil Kak Papah Nin Duwen Emen Sawaspen Pioneer?

Nan kaudiahl en tehnpas me Esekiel kilangadao kasalehda me sapwellimen Siohwa aramas akan pahn pein toukihda arail meirong. Ia duwen atail kak pein iang sawas en wiahda meirong en kaping?​—Ipru 13:15, 16.

Ehu ahl me keieu mwahu iei en papah nin duwen sawaspen pioneer men. Mie sounpwong kei me mie Rahn Kaunop de Rahn Sarawi limau nan pahr en kalohk en 2018. Met kin mwahuong irail me kin doadoahk oh kin kalapw iang kalohk ni imwin wihk kan. Pil patehng met, sounkalohk kan kak pilada en wiahda awa 30 de 50 erein sounpwong en March oh April oh pil erein sounpwong me sounapwalih pahn mwemweitla ni arail mwomwohdiso.

Ia duwen ma kitail ahneki soangen irair kan me kahrehda kitail sohte kak iang wia sawaspen pioneer? Kitail kak song en kamwahwihala mwomwen atail kalohk oh ele pil kalaudehla atail ahnsoun kalohk. Sohte lipilipil irair me kitail mi loale, atail limpoak ong Siohwa en kamwakid kitail en patohwanohng ih uwen atail kak erein pahr en kalohk en 2018!​—Os 14:2.

KILANG KISIN KASDO—WITH JEHOVAH, I CAN DO ALMOST ANYTHING, OH MWURI SAPENGALA PEIDEK PWUKAT:

• Dahme kamwakid Sabina en kalaudehla eh papah Siohwa?

• Ia duwen en Sabina eh mehn kahlemeng eh kangoange iuk?

• Erein pahr en kalohk en 2018, mehnia sounpwong me ke kak papah nin duwen sawaspen pioneer?