Kaiahneirailda Pwe Ren Pousehlahte Papah Siohwa

Soahng kan me wiawiher kin kasalehda me sounkalohk kapw kan me kaiahnda nin tapio pwehn kaukaule oh ngoangki iang doadoahk en kalohk kin kalapw wiahla sounkalohk koahiek kei. (Lep 22:6; Pil 3:16) Iet ekei iren sawas kan ong ia duwen omw kak sewese tohnsukuhl en Paipel men en kakairada eh koasoandi mwahu nan doadoahk en kalohk:

• Ni ahnsowohte me noumw tohnsukuhlo wiahla sounkalohk men, tepida kaiahne ih. (km 8/15 1) Kawehwehiong ih kesempwalpen en wiahki doadoahk en kalohk kisehn eh koasoandien ehuehu wihk. (Pil 1:10) Omw koasoia duwen wasahn kalohk kan en kin kangoang. (Pil 4:8) Kangoange ih en iang sounapwalih en pwihn en kalohk oh sounkalohk teikan pwe en kak paiekihda arail koahiek kan.​—Lep 1:5; km 10/12 6 par. 3

• Mwurin noumw tohnsukuhlo eh papidaisla, ke dehr uhdihsang kangoange ih oh kaiahne ih nan doadoahk en kalohk, keieu ma e saikinte kanekehla pwuhken “Limpoak en Koht”.​—km 12/13 7

• Doadoahngki wiepen padahk mengei ni ahnsou me ke iangih sounkalohk kapw men nan doadoahk en kalohk. Mwurin omw rong eh padahk nan kalohk, kapinga ih ni kadek. Kihda iren sawas kan me pahn kak sewese ih en pweida mwahu.​—km 5/10 7