MOMOUR NIN DUWEN KRISTIAN KEI
Re Kin Doadoahk Laud Pwehn Papah Kitail
Sounapwalih me kin seiloak kan oh ar pwoud kan kin kasalehda limpoak en tounmetei ong irail kan me re kin papah. Duwehte kitail koaros, mie pein arail anahn akan oh ekei pak re kin pwangada, nsensuwedla oh pwunod. (Sei 5:17) Mendahki met, wihk koaros re kin medemedewe ren kangoange riarail Kristian kan nan mwomwohdiso me re kin mwamwaitih. Sounapwalih me kin seiloak kan uhdahn “warohng wahu laud.”—1Ti 5:17.
Ni wahnpoaron Pohl eh koasoanehdi en mwemweitla Rom pwehn kihong mwomwohdisohn wasao “kisakis sang rehn Koht,” e kin kasikasik arail pahn “kangoange emenemen.” (Ro 1:11, 12) Ke kin medemedewe ia duwen omw pahn kangoange sounapwalih me kin seiloak oh eh pwoud, ma e pwopwoud?
KILANG KISIN KASDO THE LIFE OF A RURAL CIRCUIT OVERSEER, OH MWURI SAPENGALA PEIDEK PWUKAT:
Ia duwen sounapwalih me kin seiloak kan oh ar pwoud kan kin kasalehda limpoak en tounmetei?
Ia duwen omw kin paiekihda ar kin doadoahk laud?
Ia duwen atail kak kangoange irail?