Kahrepen Mahwen oh Uhpene Ar Wiewiawihte
Paipel kawehwehda dahme kin kahrehda mahwen kan oh dahme kahrehda re kin pousehlahte wiawi.
DIHP
Koht ketin kapikada tepin atail pahpa nohno, Adam oh Ihp, ira en rasehng ih. (Senesis 1:27) Met wehwehki me ira pahn ahneki sapwellimen Koht irair kan, duwehte popohl oh limpoak. (1 Korint 14:33; 1 Sohn 4:8) Ahpw, Adam oh Ihp sapeikiong Koht oh dipada. Imwilahn met, kitail koaros sohsohki dihp oh mehla. (Rom 5:12) Pwehki kitail sohsohkiher dihp, kitail kalapw ahneki madamadau suwed oh met kahrehda aramas tohto kin wia tiahk lemei kan.—Senesis 6:5; Mark 7:21, 22.
KOPERMENT EN ARAMAS
Koht sohte ketin kapikkitailda en kaunda pein kitail. Paipel mahsanih: “Sohte aramas emen me kaunda pein eh mour.” (Seremaia 10:23) Pwehki kahrepe wet, koperment en aramas akan sohte kak uhdahn kihsang mahwen oh tiahk lemei.
SEHDAN OH NAH NGEHN SAUT AKAN
Paipel kasalehda me “sampah pwon mi pahn manaman en me suwedo.” (1 Sohn 5:19) “Me suwedo” iei Sehdan me Tepil, oh ih sounkam aramas emen. (Sohn 8:44) Ih oh ngehn saut akan kin kamwakid aramas akan en tapiada mahwen kan oh wia tiahk lemei.—Kaudiahl 12:9, 12.
Aramas sohte kak kihsang soahng kan me kin kahrehda mahwen oh uhpene, ahpw Koht kak ketin wia met.