Kasalehda Ahmw Limpoak Ong Koht

Pwehn kolokolete nanpwung mwahu nanpwungen kowe oh kompoakepahmw men, ke anahne kin koasoiong ih. Ke pahn kin rong ih, oh ih kin rong uhk. Ke pahn pil kin koasoiaiong meteikan soahng mwahu kan duwen kompoakepahmwo. Iei pil duwen ahmw pahn kompoakepahnki Koht. Tehk dahme Paipel mahsanih duwen met:

Kin kaukaule koasoiong Siohwa ni kapakap. “Kumwail poadidiong kapakap ahnsou koaros.”​—Rom 12:12.

Wadek Mahsen en Koht, Pwuhk Sarawi. “Pwe audepen Pwuhk Sarawi unsek pwilisang rehn Koht, oh e mwahu ong atail doadoahk en padahkihong aramas akan me mehlelo, ong atail kapwungala wiewia sapwung kan, oh pil ong atail padahk duwen mour lelepek.”​—2 Timoty 3:16.

Padahkiong meteikan duwen Koht. “Kumwail eri kohwei wasa koaros oh padahkihong tohn wehi kan koaros; pwe re en wiahla nei tohnpadahk, . . . oh kehkehlingkihong irail re en peikiong mehkoaros me I koasoanediong kumwail.”​—Madiu 28:19, 20.

Karanih irail akan me kompoakepahnki Koht. “Ma ke pahn padahngki mehkot sang rehn me loalokong kan, ke pahn pil loalokongla.”​—Lepin Padahk 13:20.

Iang towehda mihding kan (iang sarawi) nan Kingdom Hall (Ihmw Sarawi en Sounkadehdehn Siohwa kan). “Kitail nsenoh sawaspene ni kasalepen atail limpoak oh atail wiewia mwahu kan, . . . nantihong kakehlaka nan kapehd en emenemen.”​—Ipru 10:24, 25.

Utungada doadoahk en kalohki Wehio. “Eri, emenemen en kihda eh kisakis duwen me e koasoanedier nan kapehde, kaidehk ni mehnseiren de ni mwomwen idihd; pwe Koht kin ketin poakohng me kin perenki kihwei mehkot.”​—2 Korint 9:7.