Koul 52
Pere Loalamwail
(Lepin Padahk 4:23)
1. Pere mohngiong iei omw mour;
Liksang elen dihp kan.
Koht mwahngih atail mohngiong
Dahme mi loalatail.
Ekei pak mohngiong widing
Sohpeisang Siohwa.
Doadoahngki omw madamadau,
Kolokol elen Koht.
2. Rapahki Koht sang mohngiong
Kapakap ngidingid.
Kapinga oh kalahnganki;
Kasalehda anahn.
Soahng kan me Siohwa kaweid
Kitail en peikiong.
Ale mohngiong loalopwoat,
Kin kaperenda Koht.
3. Pere mohngiong sang keper;
Medewe me mehlel.
Eh Mahsen en lel mohngiong,
Kakehla oh kamwahu.
Siohwa poakohng lelepek;
Kitail kak likih met.
Kaudok ni mohngiong unsek
Kompoak’pah kohkohla.
(Pil kilang Mel. 34:1; Pil. 4:8; 1 Pit. 3:4.)