Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • km 9/15 p. 2
  • “Kalohkiseli Rongamwahu” ni Unsek

Sohte kasdo ong met

Kupwurmahk, mehkot sapwung en kihda kasdo

  • “Kalohkiseli Rongamwahu” ni Unsek
  • Atail Doadoahk ong Wehio—2015
  • Ire kan me Duwehte Met
  • Koasoanehdi Teng en Kalohkiseli Rongamwahu
    Kahn Iroir Pakpakairki Wehin Siohwa—2008
  • Nantihong “Kalohk Ong Aramas Koaruhsie”
    Atail Doadoahk ong Wehio—2003
  • Alehier Kaiahn Pwehn Wia Uwen Atail Kak Koaros Nan Kalohk
    Kahn Iroir Pakpakairki Wehin Siohwa—2005
  • Kalohk Ong Aramas Koaruhsie
    Atail Doadoahk ong Wehio—2003
Kilang Pil Ekei
Atail Doadoahk ong Wehio—2015
km 9/15 p. 2

“Kalohkiseli Rongamwahu” ni Unsek

1. Mehn kahlemeng mwahu dah me wahnpoaron Pohl kasalehda nan doadoahk en kalohk?

1 “Kapwaiada omw pwukoa nin duwen me konehng.” (2 Tim. 4:5) Wahnpoaron Pohl kin kihong Timoty kaweid ni saledek. Ni mehlel, nanpwungen pahr 47 oh 56, Pohl kanekehla eh kesiluhn seiloak en misineri. Pwuhken Wiewia kan kin kalapw koasoia duwen en Pohl eh kin ‘eimah kadehde oh padapadahk.’ (Wiewia 23:11; 28:23) Ia duwen atail kak alasang met nan atail ahnsou?

2. Ia duwen atail kak kalohkiseli rongamwahu ni unsek ni ahnsou me kitail wia kalohk en ihmw lel ihmw?

2 Sang Ihmw lel Ihmw: Pwe kitail en kak tuhwong tohnihmw kan me saikinte rong rongamwahu, ele kitail anahne kalohkla rehrail nan ehu soangen ahnsou nan rahno. Pahpa en ihmwo ele pahn mihmi ni ihmwo ni soutik kan de ni imwin wihk kan. Kitail en nantihong koasoiong emen tohnihmw ni ehuehu ihmwo ko, pwurepwure ihmw kan me sohte towe. Ia duwen ma atail nannanti en tuhwong emen aramas sohte kin pweida? Ele ntingihda kisinlikou ehu ong irail de eker irail nan delepwohn pahn kak pweida.

3. Soangen ahnsou mwahu dah kan me ke ahneki en kin kalohk ong wehipokon oh ni ahnsou sohte lipilipil?

3 Kalohk ong Wehipokon oh ni Ahnsou Sohte Lipilipil: Sapwellimen Siohwa ladu kan rahnwet kin kasansalehda “loalokong” mehlel ong irail koaros me pahn rong. Ekei pak met kin wiawi “nanial kan” de “nan wasahn netinet kan.” (Lep. Pad. 1:20, 21) Ni atail kin wia atail pwukoa kan en ehuehu rahn, kitail kin medemedewe ia duwen en kalohki rongamwahu? E kin sansal me kitail kin mweidohng atail “ahnsou koaros ong kalohkiseli mahseno”? (Wiewia 18:5) Ma iei, eri kitail kin kapwaiada atail pwukoa en “kalohkiseli rongamwahu” ni unsek.​—Wiewia 10:42; 17:17; 20:20, 21, 24.

4. Ia duwen kapakap oh doudouloale ar kin sewese kitail en kak kalohkiseli rongamwahu ni unsek?

4 Ahpw, pwehki ekei pak atail luwet kan de pwehki kitail uhdahn soangen aramas namenek kei, ele kitail pahn pweiek en kalohk. Siohwa uhdahn ketin wehwehki dahme kitail kakohng. (Mel. 103:14) Ahpw, ni soangen ahnsou pwukat ar kin pwarada, kitail kak peki reh eimah pwe kitail en kak koasoi. (Wiewia 4:29, 31) Oh pil, ni ahnsou me kitail wia pein atail onop oh doudouloale Mahsen en Koht, kitail pahn kak medemedewehte ia duwen atail pahn kak kaloalehla atail kalahnganki uwen kesempwal en rongamwahwo. (Pil. 3:8) Met pahn kamwakid kitail en ngoangki kalohki rongamwahwo!

5. Ia duwen atail kak iang kapwaiada kokohp en Soel?

5 Kokohp en Soel kohpada me mwohnte ketidohn rahn lapalap en Siohwa, sapwellimen Koht aramas akan pahn “inenweite” oh sohte mweidohng mehkot en kapweiekiraildihsang doadoahk en kalohk. (Soel 2:2, 7-9) Kitail en wia uwen atail kak koaros nan doadoahk en kalohk wet me sohte pahn pwurehng wiawi!

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share