MEHN ONOP 18

Audepen Padahk me Katapan ong Sounrongorong kan

1 Korint 9:19-23

DAHME KE PAHN WIA: Kamwakid madamadau en sounrongorong kan pwe ren pehm me re sukuhlkihdi mehkot katapan.

Medewe dahme sounrongorong kan eseier. Dehr kapwukapwurehiong dahme re rongehr, ahpw sewese irail en kilang ehu ire ni ehu ahl tohrohr.

Koasoia ni mwadang ire kan me re eseier, ahpw wawaila ni omw koasoia ire kapw kan.
Wia roporop oh doudouloale. Ma kak, koasoia soahng kan me re sohte nohn ese de soahng kan me ahpwtehn wiawi pwehn karasahda ire kesempwal kan. Medewe mwahu audepen omw padahko oh ia duwen ire mehlel kan me ke men doadoahngki eh dokedoke audepen omw padahko.

Ni omw kin tehk audepen omw padahko, kamwakid pein omw madamadau ni omw pahn pein idek rehmw soangen peidek kan me duwehte, ‘dah, dahme kahrehda, iahd, ia wasa, ihs, oh ia duwen.’ Wiahda omw padahko en kaperen en rong ni omw pahn kihda oh sapengala ekei peidek ko erein omw pahn padahk.
Kasalehda ia katepen audepen omw padahko. Kawehwehda ia duwen ire kan sang Paipel ar kak sewese sounrongorong kan nan ar mouren ehuehu rahn. Koasoiahda soangsoangen irair kan, madamadau kan, oh wiewia kan me pidada sounrongorong kan.