PEIDEK KAN EN PAIPEL PASAPENGLA

Ia duwen Tepilo eh miehla?

Koht sohte ketin kapikada Tepilo. Emen tohnleng ko me Koht ketin kapikada pilada en suwedla mwuhr. Ni eh wia met, e wiahla Tepilo, me pil adaneki Sehdan. Sises mahsanih me mie pak ehu me Tepilo mehlel oh sohte dipe. Nin tapio, Tepilo wia sapwellimen Koht tohnleng pwung men.​—Wadek Sohn 8:44.

Ia mwomwen emen tohnleng eh wiahla Tepil?

Tohnlengo me wiahla Tepil pilada en uhwongada Koht oh kangoange tepin pwopwoudo ira en iangala ih. Eri, e pein wiahla Sehdan, me wehwehki “Sounpelian.”​—Wadek Senesis 3:1-5; Kaudiahl 12:9.

Duwehte aramas oh tohnleng kan me Koht ketin kapikada, tohnleng me wiahla Tepilo ahneki saledek en pilada en wia dahme mwahu oh dahme suwed. Ahpw e kakairada ineng en men koaros en kaudokiong ih. Eh ineng en men ale kaping laudsang eh ineng en kaperenda Koht.​—Wadek Madiu 4:8, 9; Seims 1:13, 14.

Ia duwen Tepilo eh kin pousehlahte kamwakid aramas? Ke anahne masak Tepilo? Ke kak diar pasapengpen peidek pwukat nan Paipel.