Diskubri joias spiritual ku bu pudi aplika

Ora ku no na lei Biblia, no pudi buska joias spiritual ora ku no fasi piskisa. Ma kuma ku no pudi benefisia inda mas?

Fasi piskisa fundu di kusasiñus ku faladu del na storias ku Biblia konta. Pur isemplu, buska sibi kin ku skirbi ki parti, pa kin ki skirbil i kal tempu ki skirbil. Kuma ku situason staba na ki tempu, ke ku kontisi antis i ke ku kontisi dipus?

Buska ntindi lisons ku bu pudi aprindi. Pa fasil, jubi resposta pa purguntas suma esis: ‘Kal ki sentimentu di jintis ku faladu del? Kal maneras di sedu ke mostra? Pabia ku N dibi di kopia o ivita es maneras di sedu?’

Aplika ke ku bu aprindi, i pudi sedu na pregason o na bu tratu ku utrus. Ora ku bu fasi kila, bu na mostra di kuma bu tene jiresa ku bin di Deus, suma ku Biblia fala: “Kin ki jiru, pa i para sintidu ne kusas”. — Sal 107:43.

• Suẑeston: Nota kuma ku materia ku ta sta na runion di semana na parti Rikesas di Palabra di Deus ta judanu konsentra na ke ku no aprindi. Es parti ta tene sempri purguntas ku no pudi fasi no kabesa, pontus ku no pudi pensa fundu nel ku komparasons ku no pudi analiza.