Ideias di ke ku bu pudi studa

Ke ku bu dibi di studa purmeru?

Anos tudu no ka tene manga di tempu pa fasi studu pesual. Kuma ku no pudi usa minjor es tempu? Purmeru, pasa manga di tempu na ke ku bu sta na lei. Bu na benefisia mas si bu studa puku informason ku kuidadu, di ki lei manga di kusa ku ten dipresa.

Dipus, disidi ke ku bu na studa purmeru. (Ef 5:15, 16) Jubi es ideias:

• Lei Biblia kada dia. (Sal 1:2) I na sedu bon kumsa ku kapitulus ku ta studadu na runion di semana.

• Purpara studu di Sintinela ku runion di semana. Purpara diritu pa da kumentariu. — Sal 22:22.

• Ora ku bu tene tempu, tenta tambi lei i jubi utru kumida spiritual, suma no rivistas pa publiku, videos ku informason ku ta pudu na jw.org.

• Studa un asuntu ku bu gosta del. Bu pudi fasi piskisa aserka di un purblema ku bu sta na pasa, un purgunta ku bu tene o un asuntu ku Biblia fala del ku bu misti ntindi diritu. Pa tene ideia, bu pudi bai pa parti “Exercícios Bíblicos” ku sta na jw.org.