Ideias di kuma ku bu pudi fasi piskisa

Atividadis pa mininus

Papes tene responsabilidadi garandi di nsina se fijus aserka di Jeova. (Ef 6:4) Pa juda papes, organizason di Jeova publika manga di artigus, videos ku kantikus. Kuma ku bu pudi usa elis pa nsina bu fijus?

• Jubi kusas ku ten. Na JW.ORG bu pudi oja tudu kusas ku fasidu pa mininus, suma videos ku atividadis ke pudi skirbi o diseña.a Pa oja es kusas, bu pudi skirbi palabra “Mininus” o “Adolesentis” na kau di piskisa.

• Kuji kil ku bu pirsisa del. Na parti “Mininus” bu pudi kuji atividadis ku na mas da pa bu fiju. Pa tene mas informason bai na kau di piskisa skirbi palabra “Sedu amigu di Jeova”. Pa oja informason aserka di Adolesentis bai pa parti Nsinus di Biblia/Adolesentis.

• Toma tempu pa papia des kusas ku bu fijus. Ivita usa no videos o atividadis so pa okupa tempu di bu fiju. En ves di kila, kombersa ku bu fiju aserka des videos o atividadis pa judal tene amisadi ku Jeova.