I manti fiel pa si Deus

PUDI SEDU na tempu ku Moisés kuri di Ejitu, un kasal di skravu israelita padi un fiju e pul nomi di Kalebi. Kalebi kirsi suma skravu, ma mas tardi i bin libertadu juntu ku si povu. Oca Kalebi tene serka di 40 anu, Jeova manda Moisés pa Ejitu pa i liberta elis. Kalebi dibi di fikaba dimiradu i kontenti di oja Jeova mostra si puder oca ki manda 10 praga, oca ki yabri mar Burmeju i liberta si povu di Ejitu.

Kalebi nunka diskisi des akontisimentus ku ta fortalisi fe. I manti fiel oca ku manga di israelitas ku ka tene fe rebela na monti Sinai, puku tempu dipus ke sai di Ejitu. Algun tempu dipus Moisés da Kalebi un tarbaju spesial, ku sedu pa bai spiona Tera di Purmesa juntu ku Josué i ku utrus ŝefis di fijus di Israel.

Ku koraẑen es 12 omis bai pa Kanaan, e pasa 40 dia na spiona sidadis ku povu i pa jubi si kontra ki tera ta pruduzi. Oca e na riba e leba alguns frutas, nkluindu un kacu di uva garandi tok i pirsis pa dus omi maral na un po pa pudi kargal. Ma oca ki ciga ora di konta israelitas tudu ke ke oja, Kalebi dibi di fikaba disanimadu di obi ke ku si kumpañeris spion fala. Biblia fala: “E papia mal di ki tera ke spiaba.” E fala kuma kananeus seduba forti dimas, tambi e kumpridu e ka pudi ngaña elis gera. Te mesmu e fala kuma i fijus di Nifilins, ku sedu fijus di ki anjus mau ku kabadu kel na diluviu na tempu di Noe. Povu tudu staba disanimadu, i te mesmu alguns staba na fala pa kuji nobu lider ku na ribanta elis pa Ejitu.

Kalebi ku Josué ka pirdi se fe na Jeova. E tenta nkoraẑa povu ku staba ku duvida, e fala elis: ‘Jeova sta ku nos; ka bo ten medu delis.’ Ma es palabras aumenta inda mas raiba des israelitas ku ka tene fe. Te mesmu e fala e na mata Kalebi ku Josué ku pedra!

Jeova fika mal dimas. I fasi manga di kusas pa liberta si povu di un nason puderosu ku sedu Ejitu, i gosi e pirdi fe nel. Mesmu asin, Deus oja koraẑen ku fe di Kalebi ku Josué. Te mesmu Jeova fala: “Ma ña servu Kalebi, suma ki tene utru spiritu, i kontinua na yanda ku mi na si korson.” Jeova disidi di kuma tudu ki israelitas ku ka mostra fe na muri na disertu.a Ma, Kalebi ku Josué fasi parti di alguns ku ka na muri i ku na yentra na Tera di Purmesa.

Duranti 40 anu ku Israel yanda-yanda na disertu, Kalebi kontinua mostra fe ku koraẑen. I apoia Moisés di manera fiel, i dipus ku Moisés muri, i apoia tambi Josué di manera fiel, oca ku Jeova pidi Josué pa i gia povu pa e kamba riu Jordon i leba elis pa Tera di Purmesa. I mesmu oca ku Kalebi teneba ja idadi avansadu, i geria ku koraẑen kontra inimigus di Deus na Kanaan.

Seis anu dipus ku povu di Deus kamba riu Jordon, maior parti di Tera di Purmesa konkistadu. Finalmenti, Kalebi pudi kuji lugar nunde ki misti bai vivi ku si familia. I kuji Ebron, ku sedu lugar ku ki 10 spion falaba di kuma ningin ka pudi konkista, pabia di jigantis ku mora la. Kalebi teneba 85 anu, ma i teneba fe garandi na Jeova i fala: ‘Jeova sta ku mi, N na tira elis fora suma ki fala.’ Asin propi ki bin sedu. Kalebi konkista sidadi dipus i mora la. Dipus, Biblia fala: “Tera diskansa di gera.”

Manga di anus atras, Moisés falaba Kalebi: ‘Bu firma na sigi Jeova ña Deus.’ No pudi tene sertesa di kuma Kalebi kontinua fasi kila te oca ki muri. I ku sertesa ora ku Jeova bin resusital pa vivi na paraísu, i na kontinua sigi Jeova!

Lei es storia na Biblia:

• Numerus 13:1–14:​12, 20-38

• Josué 14:​6-15

Pa kombersa del:

Di kal maneras ku Kalebi mostra koraẑen?

Fasi piskisa pa ntindi minjor

1. 1. Sera ki uvas di Tera di Purmesa seduba garandi dimas suma ki faladu na Numerus 13:23? (w06-T 15/6 paẑina 16 paragrafu 1 ku 2)

   Bu resposta

2. 2. Sera ki na bardadi Tera di Purmesa seduba un tera ku tene manga di “liti ku mel” suma ku Kalebi ku Josué fala? (Num 14:8; w11-T 1/3 paẑina 15) A

   Bu resposta

   

   Institute of Archaeology/Hebrew University © Tel Rehov Excavations

3. 3. Oca ku Moisés manda ki 12 spions apartir di Kades, sera ki israelitas staba lunju di Tera di Purmesa? (w04-T 15/10 paẑina 17 paragrafu 11 ku 12) B

   Bu resposta

   

4. 4. Kal pagamentu ku Jeova da Kalebi pa fe ku koraẑen ki mostra? (w06-T 1/10 paẑina 18 paragrafu 11)

   Bu resposta

Pensa na kuma di aplika es lisons

• Apesar di kuma Kalebi mostra fe, i tenba ku yanda-yanda na disertu juntu ku utrus israelitas. Mesmu asin, ku umildadi i kontinua konfia na Jeova. Na kal situasons ku no pudi kopia isemplu di Kalebi?

  Bu resposta

• Kuma ku isemplu di Kalebi ta judanu risisti preson di “pega tras di maioria”? (Sai 23:2) C

  Bu resposta

  

• Di kal utrus manera ku bu pudi kopia koraẑen di Kalebi?

  Bu resposta

Pensa fundu na lisons mas garandi

• Ke ku es storia nsinan aserka di Jeova?

  Bu resposta

• Kal ligason ku es storia tene ku intenson di Jeova?

  Bu resposta

• Ke ku N na gostaba di punta Kalebi ora ki resusitadu?

  Bu resposta

Aprindi mas

Jubi kuma ku fe di Kalebi sta ligadu ku si koraẑen.

“E mostra koraẑen pabia di se fe ku rispitu pa Deus” (w06-T 1/10 paẑina16 te 19 paragrafu 1 te 12)

Pabia ku Kalebi ku 85 anu fala: ‘N firma na sigi Jeova ña Deus’? (Jos 14:8)

“Sera ki bu ta sigi Jeova di tudu bu korson?” (w93-T 15/5 paẑina 26 te 29)