FASI BU MINJOR NA MINISTERIU | OMENTA BU KONTENTAMENTU NA PREGASON
Seta ajuda di bu ermons na fe
Pa judanu, Jeova danu ‘no ermons’ ku irmas na mundu ntidu. (1 Ped 5:9) E pudi judanu nfrenta difikuldadis na ministeriu i sai ben susedidu. Pur isemplu, apostulu Paulu benefisia di ajuda di Ákila, Prisila, Silas, Timótiu ku utrus. — At 18:1-5.
Kuma ku no ermons na fe ta judanu na pregason? E pudi danu suẑestons di kuma ku no pudi vensi obstakulus, fasi un revisita, o diriẑi un studu bibliku. Pensa na un algin di bu kongregason ku pudi dau ajuda ku bu na pirsisa del, i pidil ajuda. Sin duvida, abos tudu dus bo na benefisia, i kada un di bos na fasi pa si kumpañer kontenti. — Fil 1:25.
JUBI VIDEO TENE KONTENTAMENTU NA FASI DISIPULUS — SETA AJUDA DI JEOVA — NO IRMONS, I DIPUS RUSPUNDI ES PURGUNTAS:
Kuma ku Neta nsentiva Jadi pa i mati un runion?
Pabia ku no dibi di kumbida utru publikaduris pa e kumpañanu na no studus?
Fasi disipulu i ka responsabilidadi di un algin so, i di tudu kongregason
Kal kusa ku Jadi ku Abigail gosta del?
Kal abilidadi di prega ku bu pudi aprindi di bu ermons na fe?