Kuma ku no pudi usa videos pa studu di Biblia

No tene kuatru videos ku no ta usa na pregason pa studu di Biblia. Kal ki objetivu di kada un delis?

• 

  Pabia ki Bu Dibi di Studa Biblia? — Verson kompletu. I fasidu pa juda algin tene interesi pa Biblia i ka importa kal ki si riliẑion. I ta nsentiva kilis ku na jubil pa e buska respostas pa purguntas mas importanti di vida na Biblia, tambi i da un isemplu di respostas klaru ku sta na Biblia. I splika kuma ku bu pudi pidi un studu di Biblia.

• 

  Pabia ki bu dibi di studa Biblia? (verson kurtu). I mesmu ku verson kompletu, ma i mas kurtu. I pudi da mas na tiritorius nunde ku jintis ka tene manga di tempu pa papia.

• 

  Kuma ku Studu di Biblia ta Fasidu?. I fasidu pa juda algin tene interesi na no programa di studu di Biblia sin paga nada. Tambi i pa ruspundi alguns purguntas ku jintis kustuma fasi aserka des programa di studu, suma kuma ku algin pudi pidi un studu.

• 

  Ben-Vindu pa Bu Studu di Biblia. I fasidu pa mostra studantis di Biblia. Apesar di kuma video pudu na paẑina dus di livru Bu Pudi Tene un Vida Filis pa Sempri!, i pudi tambi mostradu ora ku no na usa broŝura Bu Pudi Tene un Vida Filis pa Sempri! pa papia ku studantis. Video fala di asuntus ku sta na livru ku ke ku studanti pudi spera duranti studu.

Kada un des video fasidu pa un sertu objetivu, ma kualker un delis pudi mostradu o mandadu pa jintis ora ki pirsis. Publikaduris nsentivadu pa e kunsi i usa elis diritu na pregason.