NO VIDA KRISTON
Oja bu kabesa suma ku Jeova ta ojau
Jeova “ta kontenti ku si pobu”. (Sal 149:4) Apesar di kuma no sedu imperfeitu i ta oja no bon maneras di sedu, ku ke ku no pudi fasi. Ma utrora, i pudi sedu difisil pa no oja no bon maneras di sedu. Manera ku utrus ta tratanu mal pudi punu pensa di kuma, no ka bali nada. O si no konsentra na erus ku no fasi na pasadu, no pudi tene duvida si kontra Jeova na bardadi amanu. Ke ku pudi judanu si no tene es tipu di sintimentu?
Lembra kuma Jeova ta oja ke ku pekaduris ka pudi oja. (1 Sam 16:7) Es signifika di kuma, Jeova ta oja mas di ki kil ku no pensa no sedu. Filismenti, Biblia judanu ntindi kuma ku Jeova ta ojanu. No pudi ntindi es ora ku no lei versikulus di Biblia ku storias ku ta mostra amor garandi ku Jeova tene pa kilis ku ta adoral.
JUBI VIDEO KONVENSI BU KORSON DIANTI DI JEOVA, I DIPUS RUSPUNDI ES PURGUNTAS:
Ke ku komparason de joven atleta ku si pape ta sinanu aserka di kuma ku Jeova ta ojanu?
Si un algin fasi un pekadu gravi tambi i fasi ke ki pirsis pa torna tene un bon relason ku Jeova, kuma ki pudi konvensi si korson dianti di Jeova? — 1 Jon 3:19, 20
Kuma ku lei storia di Davi ku di Jeosafá i pensa fundu nelis juda es ermon?