No Minjoria No Abilidadi Na Pregason — Da tustumuñu na telefoni

PABIA KI IMPORTANTI: Da tustumuñu na telefoni i un manera importanti di “konta palabra di Bon Noba”. (At 20:24)a I ta judanu prega algin ora ki ka pusivel visital pesualmenti.

KUMA KU NO PUDI FASIL:

• 

  Purpara. Kuji un asuntu apropriadu. Dipus fasi un sbosu di ke ku bu misti fala. Bu pudi tambi purpara un mensaẑen kurtu ku na splika objetivu di bu ŝamada, si kontra bu obi mensaẑen di vos. I na sedu di ajuda si bu sinta na mesa i bu tene bu sbosu ku utrus kusas ku bu na pirsisa del, suma un aparelyu eletroniku ku tene JW Library^® o jw.org^®.

• 

  Sta avontadi. Papia di manera natural. Ri i fasi ẑestus suma si kontra kin ku bu na papia kel na ojau. Ivita kala pa manga di tempu. I na sedu bon tarbaja ku utrus. Si kin ku bu na papia kel fasi un purgunta, ripiti ki purgunta na vos altu pa bu kumpañer pudi judau oja resposta.

• 

  Disa un asuntu pa revisita. Si algin mostra interesi, bu pudi fasi un purgunta pa bin ruspundi na prosimu ŝamada. Tambi bu pudi puntal si kontra bu pudi mandal un publikason atraves di e-mail o pa abo propi bu ntregal el. Tambi bu pudi puntal si kontra i misti pa bu mandal un di no video o publikason.