Shamuc funllacunapica ¿imashinashi causashun?

BIBLIACA CAITAMI YACHACHIN

Taita Diosca “paicunapu ñagüimundaca tuqui güiquitami fichanga, guañuishi, guaquishi, llaquishi, nanishi ña mana tiyangachu. Ñaupa ima tiyishcacunaca chingaringami.” (Revelación o Apocalipsis 21:3, 4, Traducción del Nuevo Mundo.)

CAITA YACHANACA ¿IMASHINATI AYUDAN?

Shamuc funllacunapi alli trabajota charishcamunda contento cashun (Isaías 65:21-23).

Llaquicunata, unguicunata ña mana charishun (Isaías 25:8; 33:24).

Ñucunchi familiandi, ñucunchi rricsishcacunandi para siempre contento causashun (Salmo 37:11, 29).

¿IMAMUNDATI BIBLIA NISHCATA CRINA CANCHI?

Cai yuyicunata rricushun:

• Taita Diosca paipu nishcata factachingapu tuqui poderta charin. Bibliapica, Taita Diosllami tuqui poderta charin nin (Revelación 15:3). Shinaca Taita Dios cai allpapi alaja, maravilla causita cugrini nishaca seguromi factachinga. Paillami chita rri pudin. Bibliapica “Diosmuca tuquimi jagualla can” nin (Mateo 19:26).

• Taita Diosca pai ima nishcata factachisha nin. Bibliapica Taita Diosca guañushcacunata causachisha nin (Job 14:14, 15).

  Shinaiti Bibliaca, Diospu Churi Jesusca ungushcacunata jambingapu, tuqui gentecunata ayudangapu munarca nin (Marcos 1:40, 41). Jesusca ¿imamundati gentecunata ayudangapu munarca? Taita Dios gentecunata ayudangapu muneshcata rricuchingapumi Jesusca tuqui chicunata rrarca (Juan 5:19).

  Chimunda seguros canchi Taita Dios paipu Churi Jesusshi shamuc funllacunapi alaja, maravilla causita cungapu muneshcata (Salmo 72: 12-14; 145:16; 2 Pedro 3:9).