Cai mundo enterotaca ¿pishi mandacun?

BIBLIACA CAITAMI YACHACHIN

“Mundo enterotaca Diablomi mandacun.”(1 Juan 5:19, Traducción del Nuevo Mundo.)

“Chimi Diospu Churica Diablopu rreshcacunata tucuchingapu shamurca.” (1 Juan 3:8.)

CAITA YACHANACA ¿IMASHINATI AYUDAN?

Cunun tiyishca llaquicuna maimunda shamushcata yachashun (Revelación o Apocalipsis 12:12).

Alli causi tiyigrishcata yachashun (1 Juan 2:17).

¿IMAMUNDATI BIBLIA NISHCATA CRINA CANCHI?

Cai yuyicunata rricushun:

• Taita Diosca Diablopu gobiernota tucuchisha nin. Jehova Diosca Diablota mana saquingachu gentecunata pandachisha catichun. Paica ‘Diablotaca shucuti tucuchisha’ nin. Shinaiti Diablo ima rreshcata Taita Diosca allichisha nin (Hebreos 2:14).

• Taita Diosca Jesustami mandachun aglleshca. Cai mundota mandacca milli, mana allimi can. Cutin Jesusca mana pai cuentachu can. Jesus cai allpata mandeshaca ¿imatati rranga? ‘Pobrecunata, mana suficiente chariccunataca achcatami llaquinga. Llaquicunamunda, milli gentecunamundashi salvanga’ (Salmo 72:13, 14).

• Taita Diosca nunca na llullanchu. Bibliaca claritotami nin: ‘Taita Diosca mana llulli pudinchu’ nisha (Hebreos 6:18). Shinaca Jehova Diosca paipu nishcataca seguromi factachinga (Isaías 55:10, 11). Paica ñami ‘cai mundo mandacta llucchisha’ nirca (Juan 12:31).