Quiquinmuca Bibliaca ¿imati can?

BIBLIACA CAITAMI YACHACHIN

“Dios escribichishca tuqui shimicunaca, Diosllati yuyita cusha escribichishcami.” (2 Timoteo 3:16, Traducción del Nuevo Mundo.)

CAITA YACHANACA ¿IMASHINATI AYUDAN?

Ñucunchi tapurishcacunata yachashun (Proverbios 2:1-5).

Cunun funllacunapi alli causashun (Salmo 119:105).

Shamuc funllacunapi alaja, maravilla causagrishcata yachesha contento sintirishun (Romanos 15:4).

¿IMAMUNDATI BIBLIA NISHCATA CRINA CANCHI?

Cai yuyicunata rricushun:

• Bibliaca mana pandarinchu. Bibliataca 40 gentecunami 1.600 guatacunapi escribirca. Chi 40 gentecunapura mana rricsinacushashi tuqui Bibliapica shuc solo yuyitami escribircacuna. Tuqui Bibliapica Diospu shutimunda, paipu gobiernomundami parrlan.

• Bibliata escribiccunaca nimata mana pacarcacunachu. Cutishuc librocunata escribiccunaca alli cosascunallatami churancuna. Paicunapu llaquicunata, paicunapu llacta ima llaqui tucushcataca pacancunami. Pero Bibliata escribic gentecunaca, Jehova Dios paicunamu yuyita cushcamundami paicuna llaquipi urmashcacunatashi mana paqueshalla, tuquita Bibliapi escribisha churarcacuna (2 Crónicas 36:15, 16; Salmo 51:1-4).

• Bibliapi nishcacunaca siempremi factarin. Bibliaca achca guatacuna guashamu Jesusmunda ñami parrlarca. Jesusmunda tuqui ima nishcacunaca paipu causipimi factarirca (Lucas 24:27).

  Tuqui Biblia ima nishcami factaricun. Chimundami Biblia Diospu Shimi queshcata yachanchi (2 Pedro 1:21).