¿Bibliamanta astawan yachakuyta munankichu?
¿Imaraykutaq Bibliata ñawirina?
BIBLIAQA mana wak pʼanqakunawan kikinchakunchu, imaptinchus Diospa kamachiynin chaypi tarikun (1 Tesalonisenses 2:13). Nisqanta ruwanki chayqa kawsayniyki sumaqchakunqa. Diostapis astawan munakunki astawantaq payman qayllaykunki imaraykuchus “Tukuy ima allin kaj, kʼacha kaj imaqa” paymanta jamun (Santiago 1:17). Diosmanta mañakuyta yachakunki, llakiykunapi kachkaptiykitaq Diospa yanapayninta rikunki. Chantapis Bibliap kamachisqanta ruwanki chayqa, wiñay kawsayta Dios qusunqa (Romanos 6:23).
Bibliap yachachiyninqa ñawinchikta kichariwanchik. Kunan junukuna runaqa llulla yuyaykunawan matʼichikunku, Bibliamanta yachaqaqkunataq tukuy kaykunamanta kacharichikunku. Wakinta qhawarina: Bibliaqa wañusqata manchachikunamanta kacharichiwanchik; runaqa nin: wañusqaqa usuchiwanchik, chantapis nillankutaq, masinchik familianchik llakiyta muchuchkanku nispa, chayqa mana jinachu (Eclesiastés 9:5, 10). Biblia yachachin wañusqa kawsaripunanmanta, chaytaq yanapawanchik, nisunman sunquchawanchik munasqa masinchikkuna wañupuptinkupis (Juan 11:25). Supaykunamanta chiqata yachayqa layqakunamanta jarkʼawanchik, chantapis japʼiqayta yanapawanchik, imaptinchus pachantinpi chʼampaykuna kan.
Diospa yachachiynin Bibliapiqa, ukhunchikta mana unquchispa purinapaq yanapawanchik, qhawarina imaynachus kay: “Aychampa munayninwan mana atipachikoj[tinchik]” mana unquq kananchikpaq yanapawanchik (1 Timoteo 3:2). “Chayrayku cuerponchejta, sonqonchejtapis llimphuchakuna tukuy chʼichi kajmanta”, mana ukhunchikta usuchinapaq (2 Corintios 7:1). Bibliapi Diospa kamachiyninta juntʼayqa, qhariwarmijina allinta kawsachiwanchik, allinpaq qhawakunapaqpis yanapawanchik (1 Corintios 6:18).
Diospa rimayninmanjina kawsanki chayqa, astawan kusisqa kakunki. Bibliap yachachiynin, sunqu tiyasqa, allin, suyakuyniyuq ima kanaykipaq yanapasunqa. Chantapis, khuyakuyta, munakuyta, sunqu qhallallariyta, sunqu tiyasqa kayta, kʼacha kayta, iñiyniyuq kayta, wak allinkunatapis puquchiyta yanapasunqa, aswan waliq qusa, warmi, tata, mama, churi, ususi, kanaykipaq (Galatas 5:22, 23; Efesios 4:24, 32).
¿Maykʼaqllapis ajina allin kawsakuyta suyasunmanchu? Bibliap willaqan maykʼaqpiñachus kasqanchikta niwanchik. Mana kay pacha imayna kachkasqallantachu willawanchik, manaqa imaynatachus Dios juk chhikamantawan Jallpʼata tʼikapachaman tikrananmanta willallawanchiktaq (Apocalipsis 21:3, 4).
Bibliamanta japʼiqanapaq yanapa
Ichapis Bibliata ñawirinkiña, manataq japʼiqayta atinkichu. Ichapis tapuyniykikunapaq mana Bibliapi kutichiyta tariyta atinkichu. Ama llakikuychu, mana qamllachu ajina kanki, manaqa tukuypis yanapawanpuni Diospa Rimayninmanta japʼiqanchik. Jehovamanta willaqkuna junukuna runaman 235 suyupi, Bibliamanta yachachinku, mana imata mañaspalla, may kusiywan qamtapis yachachisunqanku.
Aswan waliq chhikamanta chhika Bibliamanta yachaqay, chhalla yachaykunallawan qallarispa (Hebreos 6:1). Chanta yachakusqaykimanjina atillankiña “Khamuna mikhu[nata]” japʼiqayta, nisunman aswan ukhu yachaykunata (Hebreos 5:14). Bibliaqa mama yachaqana libro, kaymanta wak qillqakuna urqhukun, kay librojina ¿Imatapunitaq Biblia yachachin?, kaykuntaq Bibliamanta japʼiqanaykipaq yanapasunqa.
¿Bibliata yachaqanaykipaq qanchischawpi tiempuchakuyta atiwaqchu?
Kay Bibliamanta yachaqayqa, ima pʼunchawchá, maykʼaqchá munanki, chaypacha ruwakunman, wakinkunaqa wasinku ukhullapi yachaqanku, wakinkunataq telefononiqta. Kay yachaqayqa sapa jukllapaq —mana achkha runapaqchu— chantapis runa atisqanmanjina, kasqanmanjina, yachakusqanmanjinataq yachachikun. Mana tapukipakuna kanchu, nitaq pʼinqachisunqankuchu yachachichkasuptinku. Tapuyniykikunaman Bibliapi kutichiyta tarinki, yachallankitaq imaynata Diosman astawan qayllaykukuyta atinki.
Qhasillamanta Bibliataqa yachachisunqanku (Mateo 10:8). Sunqumantapacha astawan yachakuyta munanki chayqa, religionniyki kapusuptin mana kapusuptinpis, yachachisunqanku mana imata mañaspalla.
¿Pikuna ima qanwan yachaqayta atinkuman? Tukuy aylluyki, munasqa masiykikunapis, munaptiykiqa sapallaykipis.
Achkha wakichikunku tawa kutita killapi Bibliamanta yachaqanankupaq. Achkha ruwanayki kapusuptinqa Jehovamanta Sutʼinchaqkuna Bibliata yachaqanaykipaq tukuy imata ruwanqanku.
Waqyasunku astawan yachaqanaykipaq
Jehovamanta Sutʼinchaqkunata maskʼanaykita mañayku. Paykunata tariyta atinki kay urapi rikhuriqman qillqaspa. Paykunataq wasiykiman pillatapis mana imata mañasuspa Bibliamanta yachachisunanpaq kachamunqanku.
□ Kay librota apachimuwaychik ¿Imatapunitaq Biblia yachachin? Ima simipi munasqaykita willay.
□ ¿Imaynata Bibliamanta astawan yachakuyman? willanawaykichikta munayman
Mana sutʼinchakuptinqa Bibliamanta tukuy rimaykunaqa urqhukun qhichwa Bibliamanta “Diosmanta Qhelqasqa”.