¿Imaynatachus Bibliamanta yachachisqanchikta willaypi rikuchinkichu?
Wakin runasqa; “Bibliamanta yachachiykiman”, nispa niptinchik, mana yachayta munasqankuta chayri Iglesiankupi yachakuchkasqankutaña ninku. Religionninkupijina yachachisqanchikta yuyasqankurayku, Bibliamanta yachakuy, kusiyta apamusqanta mana yuyallankupischu. Chayrayku juk runaman ‘Bibliamanta yachachiykiman’ nispa ninallaykimantaqa, aswan allin kanman imaynatachus yachachisqanchikta pisi minutosllapi rikuchinayki. Sutʼincharinapaq; juk runaman sumaqta waykʼuyta yachasqaykita, wak kutipi juk sumaq mikhunata apapunaykita ima ninaykimantaqa, waykʼusqaykita llamirichinaykiqa aswan allin kanman, ¿icharí? Kay 2006 enero killamanta Nuestro Ministerio del Reino 6 paginanpi nisqanmanjina, imaynatachus yachachisqanchikta rikuchinapaq, ichá nisunman:
“Bibliamanta kay pʼitita ñawiripusuyta munani [Isaías 33:24, ñawiriy] ¿maykʼaqllapis Biblia kayta nisqan juntʼakunqachu? [Kutichinanta suyariy.] Kay libroqa chaymanta astawan sutʼinchachkan.” Yachachin libromanta, 36 paginapi, 22 parrafop tapuyninta ñawiripuy, chantá chay parrafota ñaripuchkaptiyki, kutichiyninta tarinanta niy. Ñawiripuytawantaq watiqmanta tapuyninta ñawiripuy, kutichisqantataq allinta uyariy. Chantá wak pʼititañataq ñawiriychik. Chantá juk tapuyta ruway wak pʼunchay kutispa chayman kutichinaykipaq, ima pʼunchaychus kutinaykita niy. ¡Ajinamanta chay runaman Bibliamanta yachachiyta qallarinkiña!