Imaynatá yachachisunman ¿Pikunataj Jehovaj munayninta ruwashanku? nisqa folletowan

¿Pikunataj Jehovaj munayninta ruwashanku? nisqa folletowanqa Bibliamanta yachakojkunata yanaparisunman, niraj estudiayta qallarishaspa chayri estudiayta tukuchaytawan.a Uj yachaqanamanta tawa yachaqanakama parlan, pikunachus Jehovaj testigosnin kasqankumanta, phishqamanta 14 yachaqanakamataj imastachus ruwasqanchejmanta parlan, chantá 15 yachaqanamanta 28 yachaqanakama parlan Jehovaj llajtanpi imastachus ruwasqankumanta. Uj yachaqanamantapacha estudiayta qallarisunman, Bibliamanta yachakoj waj yachaqanamanta yachayta munajtillan waj yachaqanata estudiasunman. Sapa yachaqanataj uj paginallapi kashan, casi tukuywantaj 5 chayri 10 minutosllapi estudiasunman.

• 

  Sapa yachaqanaj qallariyninpi rikhurej tapuymanta astawan parlariy.

• Sapa yachaqanata khuska leeriychej tukuyninta chayri wakin parrafosllata.

• Leesqaykichejmanta parlariychej. Yachaqanaj tukukuyninpi rikhurej tapuykunamanta, fotosmantawan parlariychej. Necesitakusqanman jina textosta leespa, ukhunchariychej. Yanitapi kaj subtitulosqa chay yachaqanaj titulonman kutichisqanta niy.

• Estudiashankichej chay yachaqanapi “Yachanaykipaj” nisqa recuadro kajtenqa leerillaychejtaj, Bibliamanta yachakojtataj kallpachariy chay yuyaychaykunaman jina kausakunanpaj.