¿Pikunataj Jehovaj munayninta ruwashanku?
1. ¿Maykʼajmantapachataj Jehovaj munaynin folletota ukhunchasun? ¿Imaynatá yanapawasun?
1 Octubre killa 28 pʼunchaymantapacha, Bibliamanta Yachaqanapaj tantakuypi, ¿Pikunataj Jehovaj munayninta ruwashanku? folletota ukhunchasunchej. Kay mosoj folletoqa, “Sonqonchejta jarkʼana” nisqa Jatun Tantakuypi llojsimorqa. Yachakojkunata Diospa llajtanman pusamunapajtaj wakichikun. Kay folletota ukhunchayqa, Jehovaj llajtanpi kasqanchejta jatunpaj qhawanapaj yanapawasun. Chantapis kay sumaj wakichisqa folletota astawan rejsisun (Sal. 48:13, 14).
2. ¿Imaynatá qotuchakuypi ukhunchasun?
2 ¿Imaynatá ukhunchasun? Sapa yachaqana kikin tiempollapitaj ukhunchakunanpaj, yachachej hermanoqa, tiempota sumajta tʼaqanqa. Sapa yachaqanata ukhunchayta qallarinapaj, titulonta leerenqa. Chantá parrafosta leenapaj kamachisqa hermanowan, ñaupaj kaj parrafota leechenqa. Leesqantawantaj, wakichisqan tapuyta tantakuypi kajkunaman tapurenqa. Chantá yana letraswan qallarej cheqasqa, uj chayri iskay parrafosniyoj kajtinkupis, leekunantaj, ukhunchakunantaj tiyan. Sapa párrafo, iskay kajtinkutaj iskayninku leekusqantawan, yachachej hermanoqa, imaynatachus chay cheqa, tituloj tapuyninman kutichisqanta tapurenqa. Textosqa tiempo kasqanman jina leekonqa. Chantapis uyarejkunaqa, folletoj dibujosninmanta parlariyta atinkuman. Niraj qhepan yachaqanaman yaykushaspa, yachachej hermanoqa paginaj ura kantunpi tapuykunata ruwanqa. “Yachanaykipaj” nisqa recuadro kajtintaj, parrafosta leej hermanowan leechenqa. Chantá hermanosta tapurenqa: “Kay yuyaychay, ¿imaynatataj Bibliamanta yachakojkunata yanapanman?”, nispa. Tiempo kajtintaj, titulospa tapuyninta ujtawan tapurinman. Chaywanpis mana kikintapunichu Bibliamanta yachakojkunawan ukhunchananchej tiyan.
3. Kay folletomanta sumajta yachakunapaj, ¿imatá ruwasunman?
3 Kay folletomanta sumajta yachakunapaj, ñaupajmanta wakichikuna. Chantapis tapuykunaman kutichinapaj kallpachakuna. Ukhunchakushajtintaj, imaynatachus chay yachaqana Bibliamanta yachakojkunata yanapananpi tʼukurina. Kay mosoj folletota ukhunchaspaqa, runasta Diospa munayninta ruwanankupaj, wiñay kausayta tarinankupaj ima sumajta yanapayta atisun (1 Juan 2:17).