¿Aswan qhipapaqchu saqichkanki?
¿Imamanta parlachkanchik? Kay tarjeta Directriz anticipada para la atención de la salud (DPA), nisqamanta, chayqa tukuy bautizasqa Jehovamanta sutʼinchaqkunapaq. Imaptinchus mana “imachus qʼaya kananta” yachanchikchu, chayrayku ñawpaqmanta imaynatachus, imaswanchus doctores jampinawanchikta, qillqananchik tiyan (Sant. 4:14; Hech. 15:28, 29). Astawan allinta yachananchikpaq, kay video Asistencia médica sin transfusiones; Necesidades y derechos del paciente, nisqata ruwakun. Ñawpaqtaqa kay videota qhawariy, chaymantataq Diosmanta mañakuspa, kay videopi qhawasqaykita yuyariy, kay tapuykunawan yanapachikuspa. (Tatasta yuyaychariyku kay videota qhawachkaspa, juchʼuy wawitasninkuwan khuska qhawanankupaq mana mancharikunankupaq, imaraykuchus rikukun operaciones mancharikunapaqjina.)
1) ¿Imaraykutaq wakin doctores manaña unqusqasman yawarta churayta munachkankuchu? 2) Kimsa operacionesta mana yawarta churaspa operasqankumanta parlariy. 3) ¿Machkha doctorestaq, unqusqasta mana yawarta churaspalla jampiyta munanku? ¿Imaraykutaq jinata ruwayta munanku? 4) Achkha hospitalespi yawarta churaymanta yachaqasqanku, ¿imata rikuchiwanchik? 5) Yawarta churachikuspa, ¿ima unquykunawantaq chimpachikusunman? 6) ¿Imata rikunku may yachayniyuq runas, mana yawarta churaspalla runata jampiy aswan allin kasqanmanta? 7) ¿Imarayku anemia rikhurin? ¿Cuerponchik machkha anemiawantaq kawsallanmanpuni? ¿Imata ruwakunman anemia kaptinpis ukhunchikta yanapanapaq? 8) ¿Imatá ruwakunman unqusqap cuerponpi astawan eritrocitos (glóbulos rojos) yapakunanpaq? 9) ¿Imata ruwanku operacionpi mana achkha yawarta suruchinankupaq? 10) ¿Atikullanmantaqchu mana yawarta churaspa wawasta, wañuy patapi kaqkunata ima jampiyta? 11) ¿Mayqintaq kay principio ético primordial nisqa, unqusqasta sumaqmanta jampinapaq? 12) ¿Imaraykutaq tukuy cristianos ñawpaqmantaña sutʼita qillqananku tiyan, mana yawarta churachikuspa jampichikuyta munasqankuta? ¿Imaynatá chayta ruwasunman?
Kay video rikuchisqanmanjina kikinta ruwayqa, sapa jukninchikmanta kachkan sapa juktaq chayta ruwanan tiyan Bibliamanta yachakusqanmanjina. ¿Sutʼita yachankiñachu qampis, wawasniykipis doctoreswan imaynatachus jampichikuyta munasqaykichikta? Yawarmanta astawan sumaq yachaykunata tarinki, kay “Preguntas de los lectores”, nisqapi, chaytaq kachkan La Atalaya 15 de junio 2004, chantapis 15 de octubre 2000, jinallataq Nuestro Ministerio del Reino 2006 watamanta noviembre killapi, suplemento nisqapi, “¿Qué opino de las fracciones sanguíneas y de los procedimientos médicos que impliquen el uso de mi sangre?”. Qampa familiaykimanta kaqkuna, qamrayku parlaq hermanospis, sutʼita yachananku tiyan, imaynatachus jampichikuyta munasqaykita.