¿Yachankichu imaschus akllanaykipaq kasqanta?
Jallpʼantinpi doctoresqa, sapa kuti astawan achkha hospitalespi mana yawarllawan operachkanku. Qamrí, ¿yachankichu mana yawarllawan operachikunaykipaq imaschus akllanaykipaq kasqanta? Akllanaykipaqqa, imaynasmantachus operachikuyta, jampichikuyta ima atisqaykita, yachanayki tiyan. Ñawpaqta, La negativa a la sangre. La medicina acepta el reto, nisqa videota qhawanaykita munayku. Chantá, Diosmanta mañakuspa, imatachus japʼiqasqaykita yachanaykipaq, kay tapuykunaman kutichiy. Yuyariy: Chay videopiqa, wakin chiqapi operachkasqanku rikukun. Chayrayku, tatasta yuyaychayku juchʼuy wawasninku paykunawan khuska qhawanankuta.
(1) ¿Imaraykutaq Jehovamanta sutʼinchaqkuna mana yawarta churachikunkuchu? (2) ¿Imaynatataq Jehovamanta sutʼinchaqkuna jampichikuyta munanku? (3) Jampichikuyta munaq, ¿imatá ruwayta atin? (4) Mana yawarwan operachikunapaq wakjinamanta jampichikuyta maskʼay, ¿imaraykutaq maychus kaqlla? (5) Operachikuchkaqpata achkha yawar sururpaptin, ¿ima iskay ruwaytataq doctores usqhayllata ruwananku tiyan? (6) Mana yawarllawan operanankupaq, ¿ima tawa ruwaykunatataq operachkaqkuna ruwankuman? (7) ¿Imaynatataq operaqkuna a) pisillata yawarta suruchinkuman, b) glóbulos rojos nisqata waqaychankuman, c) yawarta mirachiyta atinkuman, d) yawarta watiqmanta achkhayachinkuman? (8) Imachus a) hemodilución, b) recuperación de sangre ima, kasqanta sutʼinchay. (9) Mana yawarllawan operasunankumanta parlasuptinku, ¿imatataq ñawpaqta yachanayki tiyan? (10) Mana atinapaqjina operacionkunata, ¿mana yawarllawan ruwayta atikunmanchu? (11) ¿Imapí doctores ñawparichkanku?
Sapa cristiano, Bibliamanta yachakusqanmanjina, videota qhawasqanmanjina ima, imaynatachus operachikunanta akllanan tiyan. ¿Sutʼitañachu yachanki imaynatachus operachikunaykita, juchʼuy wawasniykitapis imaynatachus operachinaykita? Tarjeta DPA nisqapi, ¿qillqankiñachu imaynatachus operachikuyta munasqaykita? Yawarmanta astawan sumaq yuyaychaykunata tarinki, kay “Preguntas de los lectores” nisqapi, chaytaq kachkan, kay La Atalaya del 15 de junio de 2004, 15 de octubre de 2000 ima. Jinallataq, Nuestro Ministerio del Reino 2006 watamanta noviembre killapi, suplemento nisqapi, “¿Que opino de las fracciones sanguíneas y de los procedemientos médicos que impliquen el uso de mi sangre?”. Imatachus ruwanaykita yachaspaña, tarjeta DPA nisqapi juntʼachiy. Familiaykimanta kaqkuna, qamrayku parlaq hermanos ima, imatachus akllasqaykita, sutʼita yachananku tiyan.