¿Imaynatachus jampichikunapaj wakichisqachu kashanchej?
Maykʼajllapis, mana suyashajtillanchej sinchʼita onqoykusunman (Sant. 4:14). Chaywanpis allin yuyayniyojqa, ñawpajmanta wakichikun (Pro. 22:3). ¿Imaynatachus operachikunaykita, jampichikunaykita ima yachankiñachu? Tarjeta DPA nisqaman, ¿juntʼachinkiñachu? Kay DVD Alternativas a las transfusiones. Serie documental, nisqapi. Asistencia médica sin transfusiones. Necesidades y derechos del paciente, nisqa tarikun, imaynatachus jampichikuyta ajllayta yanapasunanpaj. Chay videopeqa runasta operashasqanku rikukun, chayrayku tatasta yuyaychayku wawitasninkuwan qhawanankutachus manachus allin yuyaywan ajllanankuta. Chay videota qhawasqaykiman jina kay tapuykunaman kutichiy.
1) ¿Imaraykutaj wakin doctores operashaspa manaña yawarta churayta munashankuchu? 2) Doctores mana yawarta churaspalla kinsa runasta operasqankumanta parlariy. 3) ¿Imaraykutaj ashkha doctores yawarta mana churaspalla operayta munanku? 4) Yawarta churaspa operasqankumanta ashkha hospitalespi tapurikusqanman jina, ¿imataj sutʼi rikukorqa? 5) Yawarta churachikuy, ¿imaraykutaj astawan onqochiwasunman? 6) Yawarta mana churaspalla runata operay astawan allin kasqanmanta, ¿imatá ashkha doctores ninku? 7) ¿Imaraykutaj uj runa anemiawan kanman, chantá imaynatá jampikunman? 8) ¿Imatá ruwakunman onqosqaj yawarninpi astawan eritrocitos (glóbulos rojos) nisqa yapakunanpaj? 9) ¿Imatataj doctores ruwanku operashaspa mana ashkha yawarta suruchinankupaj? 10) ¿Atikullanmantajchu yawarta mana churaspalla wawasta, wañuy patapi kajkunata ima operayta? 11) ¿Mayqentaj kay principio ético primordial nisqa, onqosqasta sumajmanta jampinapaj?
Chay videopi rikusqanchejman jinachus manachus jampichikoyqa, sapa ujninchejmanta kashan, chaywanpis ama suyaychu sinchʼita onqoykuytaraj imaynatachus jampichikuyta ajllanaykipaj. Astawan yachanaykipaj “Diospa munakuynin”, libromanta 7 yachaqananta, chaypi sutʼinchakusqanman jina waj publicacionesta ima leey. Chantá Nuestro Ministerio del Reino 2006 noviembre killamanta leellaytaj imaynatachus jampichikuyta ajllanaykipaj yanapasunanpaj. Bautizasqa kanki chayqa, imatachus ajllasqaykita kay tarjeta DPA nisqaman juntʼachiy, amataj qonqaychu apaykachakuytapuni.
[3 paginapi sutʼinchaynin]
¿Imaynatachus operachikunaykita, jampichikunaykita ima yachankiñachu? Tarjeta DPA nisqaman, ¿juntʼachinkiñachu?