Jesús wañusqanta yuyarinapaq, tukuy runasta waqyarisunchik
1. Manaraq Jesús wañusqanta yuyarinapaq tantakuyta ruwachkaptinchik, ¿imatataq ruwasunchik?
1 Jesús kamachirqa: “Kayta ruwaychej noqamanta yuyarikuspa”, nispa (Luc. 22:19). Jesús wañusqanta yuyarinapaq, Jehovata yupaychaqkuna, Paymanta yachakuyta munaqkuna ima, 2010 watapi 30 marzo killapi tantakusunchik. Ñawpaqtaqa, marzo killapi 13 pʼuchaymanta 30 pʼunchaykama, tukuy runasta chay tantakuyman waqyarisunchik.
2. ¿Imaynatá chay waqyariyta runasman jaywariwaq?
2 Ajinata jaywariy. Runasman chay waqyariyta ñawpaq paginapi rikhuriq dibujonta rikunankupaqjina jaywariy, niytaq: “Junukuna runas, 30 marzo chʼisipi Jesuspa wañuyninta yuyarinaykupaq tantakusqayku. Kay waqyariyta qampaq, familiaykipaq ima, saqisqayki. Amigosniykitapis pusamuyta atiwaq. Kaypitaq, maypichus ima horachus ruwakunanta sutʼinchachkan”. Atikuptinqa, ichapis Lucas 22:19 pʼitita ñawiripuwaq, chantá juk kamachiy kasqanta sutʼinchawaq. Achkha runasman jaywayta atinaykipaqtaq, pisillata parlariy.
3. ¿Pikunatataq waqyariyta atisunman?
3 Maypichus willamunchik chay jatun kaptinqa, ichá ancianosqa, qallariymantapacha waqyarina hojitasta tukuy wasispi saqinata ninqanku, mana ni pi kaptinkupis. Atikuptinqa revistastawan saqiwaq. Jesuspa wañuyninta yuyarinapaq tantakuyman, Bibliamanta yachakuqkunata, familiaresniykita, wasiyki chayniqpi tiyakuqkunata, llamkʼayniykimanta kaqkunata, yachaywasimanta compañerosniykita ima, waqyariypuni.
4. Jehovap munakuynin, ¿imata ruwanapaqtaq tanqawasun?
4 Waqyarinaykipaq sumaqta wakichikuy. Chay tantakuyman waqyarina tiempopiqa, astawan Diospaq llamkʼayta atisunman. ¿Precursor auxiliar kayta atiwaqchu? Bibliamanta yachakuqkuna chayri wawasniyki, ¿yachakuspa sumaqtañachu ñawparichkanku? Ajina kaptinqa, ancianoswan parlariy ichapis ñuqanchikwan khuska manaraq bautizasqa kaspapis, waqyariq riyta atinkuman. Jehová munakuyninpi Churinta quwasqanchikmantaqa, mana chay tantakuyman rispallachu jatunpaq qhawasqanchikta rikuchisunman, manaqa atisqanchikmanjina tukuy runasta waqyarispapis (Juan 3:16).