Marzo 22 pʼunchaymantapacha invitacionesta jaywasun

Kay wataqa, Jesuspa Wañuyninta Yuyarinapaj tantakuyman 22 marzo pʼunchaymanta runasta wajyariyta qallarisun. Tukuy yanapakuyta atinchej. Semana tukukuyta, atikojtenqa revistaspiwan willayta atisunman. Ñaupaj kaj sabadota abril killamanta, runaman Bibliamanta yachachiyta qallarinapaj kallpachakunamantaqa, invitacioneswan astawan llankʼasun. Uj runa Bibliamanta yachakuyta munan chayqa, qallariyta atillasunman. Chantapis superintendente de servicio nisqa hermano, maypichus ashkha runas tiyan chaypi, jaywakunantachus manachus nenqa. Chantá familiaresninchejta, llankʼaj masisninchejta, yachay wasimanta compañerosninchejta ima, pikunachus jamunankuta munanchej chaykunata wajyarinapaj ima, uj listata ruwakuna, invitacionestataj ñaupajta paykunaman jaywarina. Ashkha runas Jesuspa Wañuyninta Yuyarinapaj tantakuyman jamunankuta munanchej (Juan 3:16; 15:13).