Marzo 17 pʼunchaymantapacha, Jesuspa wañuyninta yuyarinapaj wajyarikonqa
1. ¿Imatá marzo 17 pʼunchaymantapacha ruwasunchej?
1 Sapa wata, Jesuspa “wañuyninmanta” runaman willamunchej (1 Cor. 11:26). Chayrayku ashkha runas, chay tantakuyman jamunankuta, Jehová kʼacha kayninpi Churinta rantinawanchejpaj qosqanmanta uyarinankuta ima munanchej (Juan 3:16). Kay wata, marzo sábado 17 pʼunchaymantapacha, Jesuspa wañuyninta yuyarinapaj tantakuyman runasta wajyariyta qallarisun. ¿Astawan willaramunapaj wakichikushanchejñachu?
2. ¿Imaynatá invitacionta saqesunman?
2 ¿Imaynatá invitacionesta jaywarisunchej? Jaywarinapaj pisillata parlarina. Ichapis jinata nisunman: “Imaynalla qanpaj, familiaykipaj ima, kay invitacionta apamuni, Jallpʼantinpi abril 5 pʼunchaypi uj sumaj tantakuy ruwakonqa chayman jamunaykipaj. Uj discursopi, Jesuspa wañuyninwan imatachus tarikusqanta, imastachus kay tiempopi ruwashasqanta ima, sutʼinchakonqa. Kayta uyarinapajqa, qolqeta mana mañakunchu, maypichus, ima horachus kananta kaypi willashan”. Atikojtintaj, sapa semana tukukuypi revistasta saqesunman.
3. ¿Imaynatá tukuy runasman invitacionta saqesunman?
3 Tukuyta wajyarina. Chay pʼunchay ashkha runas jamunankuta munanchej. Chayrayku kay tantakuyman revisitasninchejta, Bibliamanta yachakojkunata, familiaresninchejta, vecinosninchejta, llankʼayninchejmanta chayri yachaywasimanta compañerosninchejta, wajkunata ima wajyarina. Chantapis qotuchakuymanta ancianos, willanchej chaypi, imaynatachus invitacionesta saqenata niwasunchej. Ñaupa wataspi, invitacionesta jaywaypi sumaj riwarqanchej. Qayna wata, Jesuspa wañuyninta yuyarinapaj tantakuypi, uj señorata, pichus invitarqa chay hermanowan tinkukunanpaq uj yanapaj hermano yanaparqa. Chay señoraqa, ni pita rejserqachu. Imaraykuchus chay pʼunchayllapi invitacionta saqesqanku.
4. ¿Imasraykutaj kusiywan runasta wajyarinapaj kallpachakuna?
4 Jesuspa wañuyninta yuyarinapaj tantakuyman jamojkunamanta, ichapis wajyarisqayki runa jamunman. Mana jina kajtinpis, wajyarinaykipaj kallpachakusqayki may allin. Invitacionesnejta, Jesús Rey jinaña kamachishasqanta willakunqa. Tukuy sonqo willamunaykipaj kallpachakusqaykeqa, tukuy runasman, hermanosman, astawantaj Jehovaman, Pay rantiwasqanchejmanta may agradecesqa kasqanchejta rikuchenqa (Col. 3:15).