Marzo 1 pʼunchaymantapacha invitacionesta jaywasun
1. ¿Maykʼajmantapachataj invitacionesta jaywasun? ¿Imajtintaj kay wata astawan tiempota invitacioneswan llankʼasun?
1 Jesuspa wañuynintaqa, marzo 26 pʼunchayta yuyarisun, marzo 1 pʼunchaymantapachataj runasta wajyariyta qallarisun. Kay wataqa astawan tiempota invitacionesta jaywarisun. Chayrayku willanchej chaypi ashkha wasis kajtinpis, astawan runasta wajyariyta atisun.
2. ¿Imaynatá invitacionesta orqhosun, jaywasun ima?
2 Wakichiykuna. Maypichus willanchej chaypi imaynatachus invitacionesta jaywakunanta, wasinkupi mana kajkunamanpis saqenatachus manachus, ancianos kamachenqanku. Tukuy wasista waturiytawan invitaciones puchonqa chaytaj, maypichus ashkha runa tiyan, chaypi jaywakuyta atenqa. Hermanosqa invitacionesta necesitasqankuman jina orqhokonqanku. Chaypajtaj superintendente de servicio nisqa hermano, maypichus publicacionesta churakun chay pataman invitacionesta pisimanta pisi churachenqa. Chay invitacionespeqa, maypichus, ima horatajchus tantakuy ruwakonqa qhelqasqaña kanan tiyan. Hermanosqa, semanapi necesitasqallankuta apananku tiyan.
3. ¿Imatá yuyarina tiyan invitacionesta saqeshaspa?
3 ¿Imaynatá invitacionesta jaywarisun? Pisillata parlarina, jinamanta ashkha runasta wajyarisun. Tawa paginapi imaynatachus runata wajyarinata sutʼinchan, chaytaj maypichus willanchej chaypipis yanapawasun. Uj runa astawan parlariyta munajtintaj, paywan astawan parlarillasunman. Semana tukukuypitaj, atikusqanman jina revistasta saqellasunpuni. Marzo 2 pʼunchaytaqa, runaman Bibliamanta yachachiyta qallarinapaj kallpachakunamantaqa, invitacioneswan astawan llankʼasun.
4. ¿Imaraykutaj invitacionesta sonqo kʼajaywan jaywamuna tiyan?
4 Jesuspa Wañuyninta Yuyarinapaj tantakuyman, ashkha runas jamunankuta munanchej. Imaraykuchus chaypeqa, pichus Jesús kasqanta sutʼinchakonqa (1 Cor. 11:26). Imaynatachus wañuynin yanapawasqanchejta yachasun (Rom. 6:23). Chantapis imaraykuchus payta yuyarinanchej kasqanta rikusun (Juan 17:3). Chayrayku, ¡invitacionesta sonqo kʼajaywan jaywamuna!