Jehová ‘horanpi mikhunata jaywan’
1. Kunallanraq juk pʼunchaypaq jatun tantakuy, ¿imaynatá yanapasunki? ¿Imaynatá wakkunata yanaparqa?
1 Juk pʼunchaypaq jatun tantakuyman risqanchikmanta kayta ninchik: “¡Kay yachachiyqa ñuqapaqpuni karqa!”. Qutuchakuykunata waturiq hermano, jatun tantakuy tukukusqantawan, achkha hermanos willayninkupi astawan llamkʼayta munasqankuta uyarirqa. Wak nillarqataq: “Kay tantakuy ima tiempopichus kawsakuchkasqanchikta sutʼita reparachiwan, chantapis kawsayniypi imatachus ruwachkasqayta qhawarikunaypaq yanapallawantaq”. Juk nillantaq: “Achkha willaqkuna, willaypi astawan llamkʼanankuta reparachisqanta nirqanku”. Kunallanraq juk pʼunchaypaq jatun tantakuy, ¿imaynatá yanapasunki?
2. Qhipan juk pʼunchaypaq jatun tantakuypi, ¿imasmanta yachakusun?
2 Qhipan juk pʼunchaypaq jatun tantakuypi, horanpi chayri tiemponpi Jehová mikhuna espiritualta quwasun. Chay yachachiykunataq kay Salmo 118:8, 9 pʼitismanta urqhukunqa, wakin umallirichiykunapi, Jehová imaynatachus llakiy tiempospi kallpachawasqanchikta, imaynatachus runas Jehovapi jarkʼayta tarinankupaq yanapananchikta, imaynatachus ñuqanchikpis Jehovajina juk jarkʼay kananchikta, imaynasmantachus waynaspis Jehovapi atienekusqankuta rikuchinku, chantapis Diospa llaqtan imaraykuchus sumaq jarkʼay kasqanta yachakusun.
3. Juk pʼunchaypaq jatun tantakuypi, ¿imaynatá allinta yachakusunman?
3 Yachakunapaq wakichikuna. Kay tantakuy maykʼachus ruwakunanta yachaspa, ñawpaqmantapacha rinaykipaq wakichikuy, Bibliamanta yachakuqkunatapis waqyariy. Ama qunqaychu, Diospa Palabranta sunqunkupi japʼiqkuna “pacienciawan kawsayninkupi sumaj poqoyta rikuchinku” (Luc. 8:15). Yachachikamusqanta allinta uyariy, chantapis wakin yachachiykunata, ima yuyaykunatachus kawsayniykipi, willaypi ima, ruwanaykipaqjina cuadernoykipi qillqay.
4. ¿Imaraykutaq juk pʼunchaypaq jatun tantakuyta may kusiywan suyachkanchik?
4 Chay jatun tantakuypaq yachachiykunata, ñawpaqmantapacha, may munakuywan ima wakichikun, imaynatachus sumaq mikhunata wakichikun ajinata. Jehová, chay jatun tantakuyman rinaykipaq, chaypi yachakunaykipaq ima, mayta kallpachakuchkasqaykimanta tʼinkasuchun, imaraykuchus Jehová ‘horanpi mikhuna’ espiritualta quwanchik, willamunallapaqpuni may kallpachasqas kanapaq.