Diospa Palabranqa atiyniyoj
1. Uj pʼunchaypaj jatun tantakuyninchej, ¿imataj sutikonqa?
1 Runaj ni ima ruwasqanpis, Biblia jina atiyniyoj kanchu. Imaraykuchus Biblialla, Diospa munayninman jina yuyananchejpaj, ruwananchejpaj ima, kausayninchejta tijrachiyta atin. Chantá, ¿imayna atiyniyojpunitaj Diospa Palabran? ¿Imaynatá kausayninchejpi Bibliawan yanapachikusunman? ¿Imaynatá runasta Diospa Palabranwan aswan sumajta yanapasunman? Kay tapuykunamanqa, jamoj uj pʼunchaypaj jatun tantakuyninchejpi kutichikonqa. Mayqenchus sutikun: “Diospa Palabranqa atiyniyoj”. Orqhokuntaj Hebreos 4:12 versiculomanta.
2. ¿Ima tapuykunamantaj jatun tantakuyninchejpi kutichikonqa?
2 ¿Ima tapuykunaman kutichikonqa? Jatun tantakuypi kashaspa, imaynatachus kay tapuykunaman kutichikusqanta uyarina.
• ¿Imaraykutaj Jehovaj Palabranpi atienekunanchej tiyan? (Sal. 29:4.)
• Diospa Palabran kausayninchejpi yanapanawanchejpaj, ¿imatá ruwananchej tiyan? (Sal. 34:8.)
• ¿Imaynatá willaypi Diospa Palabranwan aswan sumajta yanapachikusunman? (2 Tim. 3:16, 17.)
• ¿Imatá ruwasunman Kuraj Supaypa sajra pachanwan mana chʼaukiyachikunapaj? (1 Juan 5:19.)
• Wayna chayri sipas, ¿imataj Diospaj astawan llankʼanaykipaj yanapasonqa? (Jer. 17:7.)
• Pisi kallpayoj kashajtinchejpis, ¿imataj kallpachawasun? (2 Cor. 12:10.)
• Wakin sajra ruwaykunaman may yachasqa kajtinchejpis, ¿imataj kausayninchejta tijrachinapaj yanapawasun? (Efe. 4:23.)
3. Jatun tantakuyninchejpi astawan kallpachakunapaj, ¿imastawantaj ruwasunman?
3 Uj pʼunchaypaj jatun tantakuyninchejqa, maytapuni yanapawasun. Chantapis kinsantin jatun tantakuykunapi, waj qotuchakuykunamanta hermanosta rejsispa masichakuyta atinchej (Sal. 133:1-3; 2 Cor. 6:11-13). Chayrayku jamoj jatun tantakuypi, amigosninchejwan parlarinapaj, mosoj amigosta tarinapaj ima kallpachakuna. Sucursal, superintendente de distritota chayri uj betelitata jatun tantakuyninchejman kachamonqa chaytaj, chay hermanota warminta ima napaykamusunman. Arí, uj pʼunchaypaj jatun tantakuyninchejta maytapuni suyakusunman.