Los testigos de Jehová: una historia de fe viva. Parte 1: Salen de la oscuridad
Bibliaqa, kʼanchayta cheqa yachachiywan, laqhatataj llulla yachachiywan kikinchan (Sal. 43:3; Isa. 5:20). Satanás, Evata chʼaukiyashajtin kay pachaqa laqhayayman churasqa karqa, chayraykutaj runasqa espiritualmente laqhapi rikukunku (Apo. 12:9). Kay DVD Los testigos de Jehová: una historia de fe viva. Parte 1: Salen de la oscuridad, nisqa, imaynatachus cheqa kaj kʼanchay jina kʼancharisqanmanta sutʼinchashan (Isa. 60:1, 2). Kay videota qhawasqaykiman jina kay tapuykunaman kutichiy.
1) ¿Imaynatá apóstoles wañupusqankutawan llulla yachachiy kay pachaman juntʼarqa? 2) Kay 1.200 watamantapacha, ¿imasraykutaj runas repararqanku, Iglesias mana Bibliamantachu yachachishasqankuta? 3) ¿Pikunataj Henry Grew, George Storrs ima karqanku? 4) ¿Imastaj Charles Russellta mayta llakicherqa? 5) Russell, tatan, waj runas ima, ¿imaynatá Bibliata ukhunchaj kanku? Chantá, ¿ima yuyaykunamantaj chayarqanku? 6) ¿Imaynatá Russellwan kajkuna, Nelson Barbourwan kajkunaman ujchaykukorqanku? ¿Imaraykutaj Russell, Nelson Barbourmanta tʼaqakorqa? 7) Cheqa yachachiy, kʼanchay jina kʼancharinanpaj, ¿imataj orqhokorqa 1879 watamanta julio killamantapacha? 8) Chaymantapacha Bibliamanta Yachaqajkuna, ¿imatá allin willaykunata runaman willanankupaj ruwarqanku? 9) Bibliamanta Yachaqajkuna, ¿imatataj 1914 watapi suyasharqanku? 10) Russell wañupusqantawan, ¿imapitaj Bibliamanta Yachaqajkuna rikukorqanku? 11) Rutherford, yanapajkunasnin ima carcelmanta llojsimojtinku, ¿imatataj Bibliamanta Yachaqajkuna ruwarqanku? 12) ¿Imaynatá kay video, Diospa llajtanta astawan jatunpaj qhawanaykipaj yanapasunki? 13) ¿Imaynatá kay video chʼampaypi kashajtiykipis, kusiywan allin willaykunamanta willamunallaykipajpuni yanapasunki? 14) ¿Imaynatá kay videota familiaresniykiman, Bibliamanta yachakojkunaman, waj runasman ima yachachinaykipaj apaykachawaj?
Bibliamanta ñaupaj Yachaqajkunaqa, ¿ima sumaj herenciata saqewarqanchej? Paykunaqa, laqha chaupipi kaspapis, cheqa yachachiykunata mana manchachikuspa, sonqo kʼajaywan kʼancharicherqanku. Noqanchejpis “kʼanchaypa wawasnin jina” purinallapuni (Efe. 5:8, Qheshwa Biblia).