Reinomanta Willaykuna 38 kaj tratadowan noviembrepi willamusunchej
1. ¿Imatá runas wañuymanta tapukunku, imataj noviembrepi paykunata yanapanapaj ruwakonqa?
1 Runaspa enemigonqa wañuy (1 Cor. 15:26). Chayrayku may chhika runas tapukunku: “¿Imaynataj wañusqas kashanku, watejmanta paykunawan tinkusunchu?”, nispa. Chay runasta yanapanapaj, Reinomanta Willaykuna 38 kaj, “¿Wañusqas kausarimuyta atinkumanchu?” nisqa tratadowan pachantinpi willamusunchej. Kay 1 noviembre pʼunchaymantapacha, chay killa tukukunankama, chaymanta qhepamantaj chay tratadota willaypi apaykachallasunpuni.
2. ¿Imayna wakichisqataj kashan Reinomanta Willaykuna 38 kaj tratado?
2 ¿Imayna wakichisqataj kashan? Kay Reinomanta Willaykuna 38 kaj tratadoqa, sayayninman doblakunanpaj wakichisqa kashan. Uj tapuywantaj qallarin, chay tapuypa kutichiynin kay kashan: “Ichá niwaj... arí, mana, ichapis”, nispa. Tratadota kicharispa runasqa Bibliaj nisqanta, chay imaynatachus yanapayta atisqanta, chantá imaraykuchus Bibliaj nisqanpi atienekuyta atisqankuta yachanqanku. Tratadoj wasanpitaj uj tapuy rikhurin chaytaj astawan yachakuyta munanankupaj yanapanqa.
3. ¿Imaynatá Reinomanta Willaykuna 38 kaj tratadowan willamusunchej?
3 ¿Imaynatá jaywasun? Imaynatachus Jesuspa Wañuyninta Yuyarinapaj tantakuypaj, chantá jatun tantakuypaj invitacioneswan willamunchej ajinallatataj kay tratadowanpis willamusunchej. Kay tratadota imaynatachus jaywanata ancianos nenqanku 2013, 1 abril killapi paykunaman cartata apachikusqanman jina. Uj qotuchakuypata maypichus willan chay, juchʼuylla kajtenqa, qayllanpi kaj qotuchakuyta yanapakunman. Tantakuymanta tratadosta apakushaspaqa chay semanallapaj apana tiyan. Tukuy wasismanña tratadosta saqespa mana tukunchejchu chayqa, maypichus ashkha runas tiyan, chaypi jaywamuna. Noviembre killa tukukushajtin manaña tratados kajtenqa, chay killapaj publicacioneswan willakonqa. Chantapis 2 noviembre pʼunchayta, runaman Bibliamanta yachachiyta qallarinapaj kallpachakunamantaqa, tratadoswan astawan llankʼasun. Semana tukukuypitaj, atikusqanman jina revistasta saqellasunpuni. Runasman kay tratadowan willamunapaj ñaupajmanta wakichikuna.