Jesuspa Wañuyninta Yuyarina tiempoqa: agradecekusqanchejta rikuchinapaj may sumaj

1. ¿Imatá Jesuspa Wañuyninta Yuyarispa rikuchinchej?

¹ Jesuspa Wañuyninta Yuyarinapaj abril 14 pʼunchayqa, may sumaj. Imajtinchus ni jaykʼaj jina, Jehová kʼacha kayninmanta agradecesqa kasqanchejta rikuchisun. Kay Lucas 17:11-18 rikuchin imatachus Jehová, Jesús ima agradecekuymanta yuyasqankuta. Chaywanpis, chay 10 runas lepra onqoyniyoj kajkunamanta, ujlla sanoyasqanmanta agradecekorqa. Aswan qhepaman Jehovaqa, Jesuspa wañuyninnejta tukuy sajra kajta chinkachenqa, wiñay kausaytataj japʼisun. Chay bendicionesmantataj Jehovaman agradecesqas kasun. Chaywanpis, ¿qhepan semanaspi imaynatá agradecesqa kasqanchejta rikuchisunman?

2. ¿Imaynatá Jesuspa wañuyninmanta agradecesqa kasqanchejta wiñachisunman?

² Agradecesqa kayta wiñachina. Agradecesqa kasqanchejqa sonqomanta llojsin. Jesuspa wañuyninmanta agradecesqa kasqanchejta wiñachinapajqa, chay pʼunchaykunapaj Bibliamanta ajllasqa versiculosta ukhunchanapaj uj programa tiyan, kay Ukhunchana folletopi chantá calendariopi ima. Familianchejwan khuska leerisunman. Chayta ruwaspaqa Jesuspa wañuyninmanta may agradecesqa kasqanchejta rikuchisun. Chaytaj kausayninchejpipis yanapawasun (2 Cor. 5:14, 15; 1 Juan 4:11).

3. ¿Imaynasmantá agradecesqa kasqanchejta rikuchisunman Jesuspa Wañuyninta Yuyarina tiempopi?

³ Agradecekusqanchejta rikuchina. Agradecesqa kasqanchejqa ruwasqanchejpi rikukun (Col. 3:15). Lepra onqoyninmanta sanoyaj runaqa, Jesusta agradecekunanpaj maskʼarqa. Chantapis chay runaqa tukuymanchá willarqa milagronejta sanoyachisqa kasqanta (Luc. 6:45). Jesuspa wañuyninmanta agradecesqa kasqanchejqa, Jesuspa Wañuyninta Yuyarinapaj tiempopi astawan willamunapaj tanqanawanchej tiyan. Chantapis agradecesqa kasqanchejta rikuchillasunmantaj precursores auxiliares kaspa chayri astawan willanapaj kallpachakuspa. Chay chʼisipitaj sonqomantapacha agradecesqa kasqanchejqa, jamojkunata napaykunapaj, tapuyninkuman kutichinapaj ima tanqawasun.

4. Kay watapi Jesuspa Wañuyninta Yuyarinapaj, ¿imatá ruwasunman mana pesachikushanapaj?

⁴ ¿Jesuspa wañuyninta yuyarikullasunpunichu? (1 Cor. 11:26.) Mana yachanchejchu. Chaywanpis, agradecesqa kasqanchejta rikuchina, mana aswan qhepaman pesachikunapaj. Chayrayku parlasqanchejwan, yuyasqanchejwan sonqomantapacha Jehovaman agradecesqa kasqanchejta rikuchina. Imajtinchus Payqa, rantinawanchejpaj Jesuspa kausayninta qorqa (Sal. 19:14).