Aswan sumaj yachachejkuna kana: noqanchejwan willaj hermanota yanaparina

¿Imaraykutaj ruwananchejpuni tiyan? Jesusqa, iskay ukhu willaj riy sumajpuni kasqanta yacharqa. Chayrayku 70 yachachisqasninta iskaymanta iskay willayman kacharqa (Luc. 10:1, NM ). Noqanchejwan willaj hermanotaqa yanaparisunman, willashaspa mana atejtin chayri wasiyoj tapusqanman mana kutichiyta atejtin (Ecl. 4:9, 10). Chantapis experiencianchejta willarisunman chayri aswan sumaj willaj kananpaj yuyaycharisunman (Pro. 27:17). Chantapis wasimanta wasi rishaspa sumajta parlarisqanchejwan yanaparinchej (Fili. 4:8).

¿Imaynatá ruwasunman?

Noqanchejwan willaj hermano wasiyojwan parlashajtenqa, allinta uyarina (Sant. 1:19, 20). Bibliata leerishan chayqa, Biblianchejpi leerinallataj. Ajinamanta allinta yanapariyta atisun.
Allinta yuyaycharikuna parlashajtin, maykʼajchus parlananchejpi (Pro. 25:11). Bibliamanta yachachej rishajtin paywan rinchej chayqa, yanaparejtinchej kusikonqa. Chantapis wasimanta wasi willashajtinchej, pay parlanan kajtenqa, ichá paylla parlayta munanqa. Jinapis niraj unaychu willaj llojsishan chayri tapojtinku mana yachanchu imatachus kutichinanta chayqa, yanaparinanchejta munanqa. Wasimanta wasi willashaspa, yachakuyta munajman kutishaspa chayri Bibliamanta yachachej rispaqa, mana allinchu pantachiy, noqallanchej parlay chayri waj imasmanta parlaykuy.
Experiencianchejmanta parlarina. Yuyaycharinanchejta necesitajtenqa yuyaycharina. Ajinamanta aswan sumaj willaj kanqa (Pro. 3:27). Maykʼajllapis ichá jinata nisunman: “¿Imaynataj parlarisqayki rijchʼasorqa?”, “¿Kayta niriykimanchu?” chayri “Ajinata niwajtinkoqa, noqaqa niyta yachani...”. Hermanonchejqa yuyaycharejtinchej mayta agradecewasun. Jinapis tukuy pantasqanta nisunman chayqa, sonqonta nanachisunman.

Killantinta chayta ruway:

Pillawanpis willayman llojsiytawan, imatachus nisqanmanta chayri ruwasqanmanta kusisqa kashasqanchejta nina.