Tukuy ima nisqayta sonqoykipi japʼiy
Tatasqa michejkuna jina kanku. Uj michejqa ovejasninta allinta qhawan. Ajinallatataj tataspis wawasninkuta qhawananku tiyan. Mana qhawajtinkoqa Diosmanta karunchakunkuman, ñakʼarinkumantaj (Pro. 27:23, 24). ¿Imaynatá tatas sumaj michejkuna kankuman? Tatasqa wawasninkuwan parlarinankupaj tiempochakunankupuni tiyan. Ajinallamanta yachanqanku imatachus yuyasqankuta, sonqonku ukhupi imachus kasqantataj (Pro. 20:5). Chantapis, wawasninkoj creeyninkuta kallpachanqanku ninapi mana qʼolaj materialeswan jina (1 Cor. 3:10-15). Kay Tukuy ima nisqayta sonqoykipi japʼiy nisqa videoqa, rikuchishan familiapi Diosta yupaychanapaj tantakunapuni kasqanta. Tukuy familiaykiwan qhawariychej, chantá kay tapuykunaman kutichiychej.
1) ¿Imaraykutaj familia Román mana allinchu kasharqanku Diosta yupaychayninkupi? 2) ¿Imaraykutaj hermano Tomasta mana allinchu rerqa familianwan Diosta yupaychayta munajtin? 3) Biblia nisqanman jina, ¿imatataj tatas ruwananku tiyan wawasninkuta allinta uywanankupaj? (Deu. 6:6, 7.) 4) ¿Imatá ruwasunman familianchejwan sumajta parlarikunapaj? 5) ¿Imastá tatas ruwananku tiyan, wawasninkuta yanapanankupaj? 6) ¿Imaynatá familia Vargas, familia Romanta yanaparqa? (Pro. 27:17.) 7) Familiapi Diosta yupaychayninpi allin rinanpaj, ¿imatá tata ruwanan tiyan? 8) ¿Imastá hermano Román ruwarqa familian ujchasqa kananpaj? 9) ¿Imaraykutaj familiapi Diosta yupaychayta ruwanapuni tiyan? (Efe. 6:4.) 10) ¿Imastá ruwasunman familiapi Diosta yupaychaypi? 11) Tomás, kuraj wawanwan mana sajra kajta ruwananpaj parlarishajtin, ¿imaraykutaj allin karqa sutʼita, nitaj phiñakuspa parlarisqan? (Jer. 17:9.) 12) ¿Imaynatá Tomás, Mónica ima Rebecata yanaparqanku, Juanwan rejsinakushasqan mana allinchu kasqanta reparachinankupaj? (Mar. 12:30; 2 Tim. 2:22.) 13) ¿Imaraykutaj nisunman Tomás, Mónica ima kapuyninkuta pisiyachispa Jehovapi atienekusqankuta? (Mat. 6:33.) 14) ¿Imaynatá kay video tatasta yanapan, familiankuta Diosta yupaychaypi yanapananku kasqanta reparanankupaj? (1 Tim. 5:8.) 15) ¿Imatá tatas ruwanankupuni tiyan?
TATASPAJ: Kay 2011 watapi jatun tantakuypi kay videomanta drama karqa chay, ¿yanapasorqachejchu familiapi Diosta yupaychayniykichejpi? Kay videorí, ¿imaspiwantaj yanapasonqachej? Familiayki Diosta yupaychananpaj kallpachakuy, jinamanta wiñaypaj kausakunkichej (Efe. 5:15-17).