Familiaykita yanapay Jehovamanta mana qonqakapunanpaj

Jeremiasqa judiosman willanan karqa chinkachisqa kanankuta, Jehovamanta qonqakapusqankurayku (Jer 13:25). ¿Imaraykutaj israelitas Jehovamanta qonqakaporqanku? Israelita familiasqa niña Jehovawan allinpichu kasharqanku. Imaraykuchus israelita tatas, niña Deuteronomio 6:5-7 nisqanta kasukusharqankuchu.

Kay tiempopi Diosta yupaychaypi allin sayasqa familiasqa congregaciones allin sayasqa kanankupaj yanapanku. Tatasqa familiankuta yanapankuman Jehovamanta mana qonqapunankupaj, familiapi Diosta yupaychayta mana saqespa (Sl 22:27, 28). Tukuy ima nisqayta sonqoykipi japʼiy: Wakin familias Diosta yupaychaymanta parlarinku nisqa videota qhawaytawan kay tapuykunaman kutichiychej:

• ¿Ima chʼampaykunatataj wakin familias atiparqanku familiapi Diosta yupaychanankupaj?

• ¿Ima bendicionestataj japʼerqanku familiapi Diosta yupaychayta mana saqesqankurayku?

• ¿Ima chʼampaykunatataj atipanay tiyan, familiapi Diosta yupaychayta manapuni saqenaypaj, imatá chaypaj ruwayman?