¿Imatataj takiykunasninchejmanta yachakunchej?

¿Broadcastingpi kaj takiykunamanta mayqenkunataj astawan gustasunki? ¿Imajtintaj chay takiykuna gustasunki? Chay takiykunaqa imaynachus kay tiempopi kausay kasqanta rikuchinku. Takiykunasninchejqa ashkha imasmanta tiyan, tukuy clasetaj. Chay takiykunamanta mayqellanpis gustawanchejpuni. Jinapis chay takiykuna, videosninpis mana uj rato kusirikunallapajchu.

Chay takiykunamantaqa mayta yachakusunman cristiano jina kausakunapaj, predicacionpaj ima. Wakin takiykunaqa parlan wajyarikuymanta, ujchasqa kanamanta, amigos kanamanta, mana manchachikunamanta, munakuymanta, Diospi creesqanchejmanta ima. Wakin takiykunataj parlan Jehovaman kutipunamanta, wajkunata perdonanamanta, Diosta kasukunamanta, tukuy imaymanamanta Diosta sirvinapaj kallpachakunamanta ima. Kallantaj uj takiypis mana celularta tʼojpirisqalla kanamanta. Takiykunasninchejta uyarispaqa ashkha imasta yachakunchej.

QAYLLITAPIÑA KASHAN NISQA VIDEOTA QHAWAYTAWAN, KAY TAPUYKUNAMAN KUTICHIY:

• Videopi qhawasqanchejman jina, ¿ima bendicionespitaj chay machitu hermanos piensarishanku? (Gé 12:3).

• ¿Imatataj ruwasunman Jehová Dios tukuy ima nisqanta juntʼananpi atienekunapaj?

• ¿Pikunawantaj pisimantawan watejmanta tinkukusunchej?

• ¿Imaynatataj Diospa Gobiernonpi suyakuy kay tiempopi problemasta aguantanapaj yanapawanchej? (Ro 8:25).