CRISTIANO KAUSAYNINCHEJ
Emergenciapaj wakichisqa kana
¿Imajtintaj wakichisqa kana? Mana yuyasqallamanta imapis pasawasunman chayrí hospitalpi internakusunman. Niraj chay pasashajtin, ima yanapaschus tiyan chaykunawan yanapachikuna, ajinamanta doctores sumajta atiendenawanchejpaj. Chayta ruwaspaqa jatunpaj qhawasqanchejta rikuchisun kausayta, imatachus Jehová yawarmanta kamachisqantapis (Hch 15:28, 29).
¿Imaynatá wakichikusunman?
Orakuytawan, allinta tʼukuriytawan tarjeta DPA nisqata juntʼachina.a Bautizasqa kajkunaqa chay tarjetata publicacionesmanta encargado hermanomanta mañakusunman, tatastaj Tarjeta de identidad (ic) nisqata wawasninkupaj mañakunkuman.
Wijsallisqa chayrí embarazada kashanki chayqa, Wijsallisqa warmispaj yuyaychaykuna (S-401) nisqa documentota ancianosmanta mañakuy. Chayqa embarazada kashajtiyki chayrí wawitayki nacekunan día chayamojtin, imaynatachus doctores atiendesunankuta nisojtinku, allinta ajllanaykipaj yanapasonqa.
Doctores “yawarta churanayku tiyan” niwajtinchej, chayrí “internakunayki tiyan” niwajtinchej, chay rato chayta ancianosman willana. Chantá doctormanpis willanallataj Jehovaj testigosninmanta uj hermano visitanawanchejta munasqanchejta.
¿Imaynatá ancianos yanapawasunman? Paykunaqa tarjeta DPA nisqata juntʼachinapaj yanapawasunman. Jinapis mana niwasunchu “kayta ruway, jaqayta ruway” nispa. Nitaj ajllapuwasunchu imaynatachus jampichikunanchejta. Chay imastaqa noqanchejpuni ajllananchej tiyan (Ro 14:12; Gál 6:5). Doctores yawarta churayta munawasqanchejta ancianosninchejman willajtinchejkama, paykunaqa chay rato Comité de Enlace con los Hospitales (CEH) nisqaman wajyanqanku.
¿Imaynatá yanapawasunman CEH nisqa? Kay Comité de Enlace con los Hospitales nisqapi llankʼaj hermanosqa, sumaj wakichisqa kanku doctoreswan abogadoswan parlanankupaj yawarta mana churachikusqanchejmanta. Paykunaqa doctoresta ninkuman imaynatachus atiendenawanchejta mana yawarta churaspalla. Doctores mana munajtinkutaj, mana yawarta churaspalla jampej doctorta maskʼaysiwasunman.
JAMPICHIKUSHASPA YAWARTA JATUNPAJ QHAWANA NISQA VIDEOTA QHAWAYTAWAN, KAY TAPUYMAN KUTICHIY:
¿Imastá ruwasunman ñaupajmantaña wakichisqa kanapaj “yawarta churanayku tiyan” niwajtinchej?
a Wiñaypaj kusisqa kausakuy nisqa libromanta lección 39 yawarmanta parlashan. Chaytaj yanapawasunman sumajta ajllananchejpaj.