7. WAMRAYQUITA SHUMAJ YACHACHIY

¿CAYGA IMA NINANTAJ?

Wamracuna ali runa capäcunanpäga, wamra cashganlapita taytan y mamanpis yachachinman honrado cananpaj, rasun cajta parlarcunanpaj, pitapis respetarcunanpaj y waquincunawan ali apanacärinanpaj. Yachachishgayquinola ruraptinga más ali canga.

Wamra cashganlapita yachacuptin ali ruraycunata, mozo-jipash cashganchoga ali aroj runa canga, pitapis yanapaj y waquincunatapis ali tratapäcunga.

BIBLIAGA NIN: “Wamrataqa wamra kashqanyaqla ali kawananpaq shumaq yachatsiy. Awkisyarpis yachakushqantaqa manami qonqanqatsu” (Proverbios 22:6).

¿IMANIRTAJ CHAYTA RURANQUIMAN?

Canan wichan imayca yachachicuycuna can. Juc mama nin: “Celularchoga imaycacuna yuriycämun, chaymi wamracunapa maquincho amanunlacho caycaptinga, mana alicunatapis ricanman, ladunchicho caycarpis luta ruraycunata o ganra cajtapis ricaycunman”.

BIBLIAGA NIN: “Rucu runacunaga musyannami maygan alli cashanta maygan mana alli cashantapis” (Hebreos 5:14, Tayta Diosninchi Isquirbichishan).

Respetacoj canman. Canan tiempuchoga respetupis mana cannachu, runacunaga celularnincunalata arcaraycan, chaymi mana yachannachu ali shimilawan parlacuyta, agradecicoj cananpaj y waquincunapäpis yarpachacunnachu.

BIBLIAGA NIN: “Alli ricashunayquita munashayquino gamcunapis runa-masiquita alli ricanqui” (Lucas 6:31, TDI).

¿IMATARAJ RURANQUIMAN?

Alicunata yachachiy. Taytacunaga wamrancunata yachachipäcunman mozo-jipashlaraj caycarga mana piwanpis oglanacunanpaj. Shumaj tantiarcunman chayga casaracushgacunalapaj canganta.

CAYTA RURAY: Chaylaraj yargamushga noticiapita wamrayquiwan parlacuriy, capazchi chiquinacur pilapis wanuchinacushga, y nircur tapupay: “¿ima ninquitaj runacuna chayno rurapäcuptin?”.

Juc runa nin: “Wamracuna ali ruraycunata acrananpäga, puntataga yachacunman imata ali o mana ali cashganta”.

Respetacoj y agradecicoj cananpaj yachachiy. Wamracuna pishilaraj captinpis, waquincunata respetananpaj y agradecicunanpaj yachacuyta puedinmi. Parenting Without Borders (Padres sin fronteras) nishgan librupis nin: “Wamracunaga manami quiquilanman yarpanmanchu, sinoga taytancunapaj, estudiaj masincunapaj y runa masincunapaj yarpachacunman”.

CAYTA RURAY: Wamrayquita imalachopis yanapäshunayquipaj nircuy, chaynopa payga yachacunga waquincunatapis yanaparcunanpaj.

Juc warmi nin: “Wamranchicuna pichapacuyta y yanucuytapis yachacurcuptinga, maycho caycarpis manami nacanganachu”.